Մահացած է ամերիկացի յայտնի ձայներգիչ, այլընտրանքային եւ hardrock-ի աստղ, Հայոց ցեղասպանութեան մասին «Խոստումը» ֆիլմի soundtrack-ի հեղինակ Քրիս Քորնել:
Երաժիշտին ներկայացուցիչ Պրայըն Պամպըրին յայտարարած է, որ անոր մահը անսպասելի էր: Ըստ անոր, Քորնել վախճանած է Տիեթրոյթի մէջ, ուր Soundgarden խումբը Մայիս 17-ին համերգ տուած է: 52-ամեայ երաժիշտին մահուան պատճառները յայտնի չեն:
Կը նշուի, որ հարազատները ցնցուած են եւ կը խնդրեն լրատուամիջոցներէն ձեռնպահ մնալ իրենց անձնական կեանքին միջամտելէ:
Ապրիլին Քորնել ներկայ եղած է «Խոստում»-ի անդրանիկ ցուցադրութեան Վատիկանի մէջ:
