Յունուար 25-ի գիշերը` ժամը 02:00-ի սահմաններուն, Արցախա-ատրպէյճանական հակամարտ զօրքերու սահմանագիծին հարաւարեւելեան (Կուրոպատկինօ) ուղղութեամբ տեղակայուած հայկական դիրքերէն մէկուն պաշտպանական հատուածին վրայ՝ ՊԲ առաջապահ ուժերու կողմէ հաւաստանշուած է հակառակորդի հետախուզական խումբի ներթափանցման փորձ:
Արցախի Հանրապետութեան ՊՆ մամուլի ծառայութեան փոխանցած տեղեկութիւններով` ձեռնարկուած կանխարգելիչ գործողութիւններուն իբրեւ արդիւնք, ատրպէյճանական յատուկ ջոկատայինները ետ շպրտուած են:
Ըստ նախնական տուեալներու` հակառակորդին կողմէ կորուստներ կան: Մանրամասնութիւնները կը ճշդուին:
