Ռամկավար Ազատական կուսակցութիւնը Հայաստանում եւ Սփիւռքում գործող իր բոլոր կառոյցների անունից ջերմօրէն շնորհաւորում եւ յաջողութիւններ է մաղթում պրն Նիկոլ Փաշինեանին ՀՀ վարչապետ ընտրուելու կապակցութեամբ։ Իրոք¸ ծանր բեռ եւ պարտաւորութիւն¸ որի արդիւնաւորումից է կախուած մեր ժողովրդի ու պետութեան անվտանգ¸ խաղաղ եւ բարօր կեանքը¸ պետական եւ ազգային բոլոր մարզերում մեր երկրի¸ ողջ հայութեան յետագայ զարգացման ընթացքը։
Համաժողովրդական ոգեւորութիւնից¸ ինքնահիացումից եւ արդար յաղթանակի բերկրանքից սթափուելու ժամն է արդեն¸ տքնանքի¸ ուժերը լարելու¸ դիմանալու եւ դիմակայելու ժամը¸ ժամը իմաստուն եւ իմաստաւորուած աշխատանքի¸ որի միջոցով միայն պիտի կերտենք մեր մատղաշ սերունդների ապագան։
Պատմական այդ լրջագոյն առաքելութեան յաջողութեան համար ՌԱԿ-ը պատրաստակամ է Մայր հայրենիքում թէ Սփիւռքում իր ողջ կարողականութիւնները միաձուլել յետագայ օրերին կազմուելիք նոր կառավարութեան ջանքերին¸ ամէն գնով նպաստել երկրում ժողովրդավարութեան¸ արդարութեան¸ տնտեսութեան իսկական ազատականացման¸ արդիւնաբերութեան¸ գիւղատնտեսութեան¸ առեւտուրի¸ կրթութեան¸ մշակոյթի եւ զբօսաշրջութեան զարգացման ուղղութեամբ տարուելիք աշխատանքներին։
ՌԱՄԿԱՎԱՐ ԱԶԱՏԱԿԱՆ ԿՈՒՍԱԿՑՈՒԹԵԱՆ
ԿԵԴՐՈՆԱԿԱՆ ՎԱՐՉՈՒԹԻՒՆ ԳԵՐԱԳՈՅՆ ԽՈՐՀՈՒՐԴ
Ատենապետ՝ Ատենապետ՝
Յակոբ Աւետիքեան Վարդան Նազիրեան
