Արհեստավարժ կռփամարտիկ, կիսամիջին քաշային կարգի «ՏԱՊԸԼԻՈՒ. ՊԻ. ԷՅ.»-ի վարկածով աշխարհի նախկին ախոյեան Դաւիթ Աւանեսեան Պարսելոնայի մէջ (Սպանիա) տեղի ունեցած մենամարտին յաղթանակ արձանագրեց սպանացի Խոսէ Տել Ռիոյի դէմ:
Ռուսիան ներկայացնող կռփամարտիկը 12 ռաունտնոց մենամարտին իր այս յաղթանակը արձանագրեց նաք-աութով:
Այսպիսով, 31 տարեկան կռփամարտիկը, Եւրոպայի ախոյեանի տիտղոսը պաշտպանեց երկրորդ անգամ ըլլալով:
Ան ցարդ իր կատարած 30 մենամարտերուն արձանագրած է 26 յաղթանակ, հաւասարութիւն մը եւ կրած 3 պարտութիւն:
