2019 Յունուար 1-ին ՀՀ մշտական բնակչութեան թուաքանակի ցուցանիշը 2018-ին տարեսկիզբի համեմատ նուազած է 7400-ով՝ կազմելով 2 միլիոն 965 հազար 300 մարդ: Այս մասին կը յայտնէ ՀՀ Ազգային վիճակագրական ծառայութիւնը։
1992-էն սկսած ՀՀ-ի մէջ մշտական բնակչութեան թուաքանակը տարուէ տարի նուազած է: Եթէ 1992-ին բնակչութեան թիւը 3 միլիոն 633 հազար 300 էր, ապա 2019 -ի 1 յունուարի դրութեամբ բնակչութեան թիւը կազմած է 2 միլիոն 965 հազար 300: Այսինքն՝ 27 տարիներու ընթացքին ՀՀ մշտական բնակչութեան թիւը նուազած է 668 հազարով:
ՀՀ ոստիկանութեան անձնագրային եւ վիզաներու վարչութեան կողմէ վարուող ՀՀ բնակչութեան պետական գրանցումի տեղեկատուական համակարգի վարչական հաշուառման համաձայն, 2018-ին արձանագրուած է բնակչութեան տեղաշարժերու հաշուառման 42 080 եւ հաշուառումէն դուրս գրման 35 767 գործողութիւն: Տնային տնտեսութիւններու կենսապայմաններու ամբողջացուած հետազօտութեան արդիւնքներով գաղթի մնացորդի ցուցանիշը 2018-ին գնահատուած է -18.2 հազար մարդ, քաղաքային բնակչութեանը՝ -8.4 հազար, իսկ գիւղական բնակչութեանը՝ -9.8 հազար մարդ:
2019-ի տարեսկիզբին քաղաքային բնակչութեան մասնաբաժինը կազմած է 63,9%, իսկ գիւղականը՝ 36,1%: Մշտական բնակչութեան կառուցուածքին մէջ 47,3%-ը կազմած են տղամարդիկ, իսկ 52,7%-ը` կանայք: Բնակչութեան միջին տարիքը 2019-ի տարեսկիզբի դրութեամբ կազմած է 36,7 տարի, տղամարդոց համար` 34,6, իսկ կանանց համար` 38,5 տարի:
2018-ի ընթացքին, ըստ քաղաքացիական կացութեան գրանցումներու, ՀՀ-ի մէջ արձանագրուած են 37 197 ծնունդ: Ծնունդներու սեռերու յարաբերակցութեան գործակիցը՝ տղաներու թուաքանակը 100 աղջկայ հաշուով 111,1 է:
2018-ին ՀՀ-ի մէջ գրանցուած է 25 751 մահուան դէպք:
2018-ին ՀՀ կացութեան կարգավիճակ ստացած են 8 330 օտարերկրացիներ, այդ շարքին՝ 713-ը՝ յատուկ, 1 809-ը՝ մշտական եւ 5 803-ը՝ ժամանակաւոր կարգավիճակ:
2018-ին Հայաստանի Հանրապետութեան ապաստան հայցած է 218 անձ, փախստականի կարգավիճակ ստացած 72-ը, իսկ 98 անձի համար դադրեցուած է փախստականի կարգավիճակը:
