Յայտնի երաժիշտ եւ երգահան Սերժ Թանքեան յայտարարած է, որ աւարտած է աշխատանքը Հայոց Ցեղասպանութեան մասին «Խոստում» ֆիլմին համար իր մշակած երգին:
«Շատ երջանիկ եմ, որ աւարտեցի այս հիանալի երգը, որուն վրայ Authentic Light Orchestra-ի ընկերներուս հետ աշխատած եմ «Խոստում» ֆիլմին համար», գրած է Թանքեան իր «Ինսթըկրամ»ին վրայ:
Ֆիլմի արտադրութիւնը կ’իրականացուի հանգուցեալ ազգային բարերար Գըրգ Գըրգորեանի միջոցներով: Ֆիլմը առաջին անգամ պիտի ներկայացուի 2016-ի Դեկտեմբերին, Թորոնթոյի մէջ:
