Ռուսիոյ ռազմարդիւնաբերական համալիրի տնօրէնները հաստատած են Iskander համալիրի տրամադրումը հայկական բանակին մէկ բաժին քանակով: Անոնք յստակեցուցած են, որ «Ռոսօպորոնէքսփորտ»-ը ատոր հետ որեւէ առնչութիւն չունի, քանի որ այդ զինատեսակը ձեռք բերուած է ՀԱՊԿ շրջանակի մէջ զէնքի առաքումներու մասին համաձայնագրի հիման վրայ` շրջանցելով պետական միջնորդը, կը գրէ panarmenian.net –ը՝ վկայակոչելով «Վետոմոսթի»-ն:
Iskander համակարգը ցուցադրուած է Սեպտեմբեր 21-ի Անկախութեան 25-ամեայ տարեդարձին նուիրուած ռազմական շքերթի փորձի ժամանակ:
Ինչպէս յայտնի է, Ռուսիան ու Հայաստանը 200 միլիոն տոլարի զէնքի մատակարարման պայմանագիր ունին, որուն գումարը վարկի տեսքով տրամադրած է Ռուսին: Iskander համալիրը այդ փաստաթուղթին մէջ չէ յիշատակուած եւ, ըստ տնօրէնին, այդ զինատեսակի առաքման մասին պայմանագիրը կնքուած է այդ վարկէն դուրս:
Ըստ պահեստի գնդապետ Վիքթոր Մուրախովսքիի, Iskander-ի առաքման հնարաւոր նուազագոյն քանակը 1 բաժին է 4 գործարկող սարքով` երկուական հրթիռ իւրաքանչիւրին վրայ: Ըստ անոր, կարելի է ենթադրել, որ այդ քանակն ալ առաքուած է Հայաստան: Հրթիռը արդիւնաւէտ միջոց է հրամանատարական շտապերու եւ հրետանիի, որոնց շարքին հակազդեցիք հրետանի խոցելու համար: Այդ իմաստով ալ անիկա կարեւոր է հայկական բանակին համար:
Ըստ «Վետոմոսթի»-ի զրուցակիցին, Iskander –ը լուրջ միջոց կը դառնայ Ատրպէյճանը զսպելու համար:
