Համաշխարհային տնտեսական ֆորումը (World Economic Forum) կազմած է գործարարութեամբ զբաղելու համար ամենայարմար երկիրներու տասնեակը, ուր ներառուած է Հայաստանը` զբաղեցնելով 9-րդ հորիզոնականը: Ֆորումը տասնեակը կազմելու համար օգտուած է Համաշխարհային դրամատան Doing Business 2017 («Գործարարութիւն 2017») զեկոյցի տուեալներէն, կը հաղորդէ «Երկիր մեդիա»-ն:
Հայաստանը միակ երկիրն է, որ միջինէն ցած եկամուտ ունեցող երկիր ըլլալով ներառուած է ցուցակին մէջ:
Տասնեակին մէջ Եւրոմիութեան երկիրներէն ընդգրկուած է միայն Իռլանտան` զբաղեցնելով 10-րդ հորիզոնականը:
Վրաստանը 8-րդն` 2 տեղով բարելաւելով նախորդ տարուայ ցուցանիշը:
7-րդ հորիզոնականը զբաղեցուցած Աւստրալիոյ մէջ նոր գործ սկսելու համար անհրաժեշտ է առաւելագոյնը երեք օր:
Սինկափուրը կը զբաղեցնէ 6-րդ տեղը, Ատրպէյճանը` 5-րդ, Մակեդոնիան` 4-րդ (այստեղ կարելի է գործ սկսիլ 40 տոլարով):
Առաջին երեք տեղերուն վրայ են Նոր Զելանտան, Գանատան, Հոնքոնկը:
