Հայաստան այս տարի աննախադէպ արդիւնքներ արձանագրած է Գերմանիոյ Դաշնային Հանրապետութեան Նոյշթադթ քաղաքին մէջ Փետրուար 25-ին տեղի ունեցած «MUNDUS VINI 20th Grand International Wine Awards» միջազգային մրցանակաբաշխութեան: Մրցոյթին մասնակցած հայկական գինեգործական ընկերութիւններու ներկայացուցած արտադրանքը արժանացած է 23 մետալի` 10 ոսկի եւ 13 արծաթ, կը յայտնեն Հայաստանի գիւղատնտեսութեան նախարարութեան տեղեկատուութեան
եւ հասարակայնութեան հետ կապերու բաժինէն:
Հայկական գինեգործական ընկերութիւններու մասնակցութիւնը ապահովուած է Հայաստանի խաղողագործութեան եւ գինեգործութեան հիմնադրամը Զարգացող երկիրներէն ներմուծման խթանման կեդրոնի (CBI) աջակցութեամբ:
Հայաստանէն մրցոյթին մասնակցած են 19 գինեգործական ընկերութիւններ` գնահատող յանձնաժողովի դատին ներկայացնելով 58 տեսակի հանգիստ եւ փրփրուն գինիներ:
Ընդհանուր առմամբ մրցոյթին ներկայացուած էին շուրջ 6 000 տեսակի գինիներ աշխարհի 44 երկիրներէ: Հայաստան իր նուաճած մեդալներու քանակով առաջ անցած է այնպիսի երկիրներէ, ինչպիսիք են՝ Վրաստանը (4 ոսկի, 7 արծաթ), Մոլտովան (8 ոսկի, 12 արծաթ), Մակեդոնիան (6 ոսկի, 3 արծաթ), Ռումանիան (6 ոսկի, 5 արծաթ), Չինաստանը (1 ոսկի, 1 արծաթ): Մեր երկիրը մետալներու քանակով 14-րդն է Նոր Զելանտիոյ եւ Հունգարիոյ հետ:
Մրցոյթին մասնակցած գինիները գնահատուած են շուրջ 200 հեղինակաւոր մասնագէտներէ կազմուած ժիւրիին կողմէ, որուն կազմին մէջ առաջին անգամ ընդգրկուած է նաեւ ներկայացուցիչ Հայաստանէմ` Տրինիտի ՍՊԸ-ի գինեգործ Արտէմ Պարսեղեանը:
Հայկական գինիները համտեսելու նպատակով «MUNDUS VINI 20th Grand International Wine Awards» մրցանակաբաշխութեան ծիրէն ներս կազմակերպուած է կալայ ընթրիք: Հայկական գինիներու համտեսի ներքոյ «Գոլդեն Գրեյպ Արմաս» գործարանի գլխաւոր տնօրէն Վիկտորիա Ասլանեանը ներկայացուցած է Հայկական գինիներու շնորհանդէս, որ արժանացած է «Լաւագոյն շնորհանդէս» մրցանակին:
Ընթրիքին նպատակն էր նպաստել ինչպէս Եւրոմիութեան, այնպէս ալ աշխարհի տարբեր երկիրներու շուկաներուն մէջ հայկական գինեգործական ոլորտի ճանաչելիութեան բարձրացման, արտահանման ծաւալներու աճի խթանման եւ նոր գործընկերներու բացայայտման:
Մետալներու արժանացած գինիներու ցանկ
Ոսկի մետալ
1. «Վան Արդի», 2015 Van Ardi Areni, Kakhet, Haghtanak
2. 2015 Areni Reserve
3. 2015 Van Ardi Reserve Syrah
4. «Գոլդեն Գրեյպ Արմաս», 2013 ArmAs Karmrahyut Reserve
5. «Ոսկեվազի Գինու Գործարան», 2015 Voskevaz Karasi collection Voskehat
6. «Արմենիա Վայն», 2014 Takar Reserve
7. «Տիեռաս Դէ Արմէնիա», 2013 Karas Reserve Winemaker’s Selection Blend
8. «Օլդ Բրիջ», 2009 Old Bridge Red Dry Reserve
9. «Գետնատուն», 2015 Getnatoun Areni Noir Aghavnadzor Village
10. «Տրինիտի», 2014 Trinity Eh Areni Noir
Արծաթէ մետալ
1. «Գոլդեն Գրեյպ Արմաս», 2013 ArmAs Voskehat Reserve
2. «Արմենիա Վայն», 2016 Armenia Muscat
2014 Tariri
2014 Takar Areni
3. «Ոսկեվազի Գինու Գործարան»,2015 Voskevaz Hightanak, 2014 Voskevaz Voskepar Voskehat
4. «Տիեռաս Դէ Արմէնիա», 2015 Karas White Dry Wine, 2015 Karas Red Wine
5. «Գետնատուն», 2015 Getnatoun Voskehat
6. «Հայլենդ Սելլարս», 2015 Koor Dry Red Wine, 2014 Koor Reserve
7. «Արտաշատ Վինկոն», 2014 Chateau Rind
8. «Անուշ 1», 2014 Kataro Sireni Reserve Togh
