Հպարտ ենք յայտարարելու որ Լինէթ Իսրայիլեան, Մոնթրէալահայ երիտասարդ ջութակահարուհին, շահած է Canada Music Competition-ի 2018 գլխաւոր մրցանակը (Grand Prize), որը կը պարունակէ 19 – 30 տարեկան Գանատայի զանազան նուագարաններ նուագող մրցակիցներ:
Աւելի մանրամաս տեղեկութիւններու համար կարելի է այցելել հետևեալ էջը:
http://suivi.lnk01.com/v/443/ce840491671418274d0438242409a10bf79e0f54d952182b
Այս յաղթանակի շնորհիւ, Յուլիս 9՝ին, Լինէթը պիտի նուագէ Չայքովսկիի ջութակի քօնչէրթօն Metropolitain նուագախումբին հետ, Place des arts`ի Maison Symphonique սրահին մէջ։ Անոնք որ կը ցանկանան ներկայ գտնուիլ այս համերգին կրնան գնել տոմսակները հետեւեալ Համացանցի էջին վրայ՝
https://placedesarts.com/fr/evenement/concours-de-musique-du-canada-canimex
Լինէթը սկսած է իր երաժշտութեան ուսումը 4 ½ տարեկանին Լուսինէ Պալիկեանի հետ: 12 տարեկանին ընդունուած է Մոնթրէալի Քոնսէրվաթուար և շարունակած է երաժշտութեան ուսումը Փրոֆեսօր Ժոհան Առելին հետ: Նաեւ ունեցած է Master Class-ներ Ensemble Amati-ի հիմնադիր և ղեկավար՝ հանգուցեալ Փրոֆեսօր Ռէյմոն Տէսսանի հետ: Լինէթը յաճախած է Սուրբ Յակոբ տարրական դպրոցը և երաժշտութեան ուսման ընթացքին նաև ունեցած է DEC en sciences վկայականը։
Եօթը տարեկանէն ի վեր, Լինէթ մասնակցած է տարբեր մրցոյթներու եւ շահած է բազմաթիւ մրցանակներ, որոնցմէ՝ Montreal Music Festival և Montreal Music Educators’ Association’s առաջին տեղերը:
2014-ին Լինէթը ընտրուեցաւ մաս կազմելու Քոնսէրվաթուարի նուագախումբին որ ներկայացուցին համերգ մը Montreal Symphony Orchestra-ի ղեկավար Գէնթ Նականօ-ին ղեկավարութեամբ: 2014-ին Լինէթը հրաւիրուեցաւ նուագելու որպէս միակատար Camp musical des Laurentides նուագախումբի հետ, տիրիժոր Ժիլ Օժէին խմբավարութեամբ։
Լինէթը շահած է բազմաթիւ կրթաթոշակներ, որոնցմէ՝ անցեալ երեք տարիները Laval soutien des arts և 2018՝ին F. Beauchamp-Huppé Քոնսէրվաթուար Բ ին գերազանց արդիւնքներուն համար։
