87 տարեկանին մահացած է աշխարհահռչակ երաժշտահան Միշէլ Լեգրանը: Այս մասին կը հաղորդէ Armenpress.am-ը՝ վկայակոչելով «La Monde»-ը:
Ֆրանսացի երաժշտահան, դաշնակահար Լեգրանը ծնած է 1932 Փետրուար 24-ին:
Մայրը` Մարսէլ Տէր Միքայէլեան, սերած է հայկական ազնուական ընտանիքէ: Ուսանած է Փարիզի երաժշտանոցին մէջ: 1954-ին թողարկած է առաջին ձայնասկաւառակը: Հեղինակած է բազմաթիւ հեռուստատեսային հաղորդումներ եւ երաժշտական սենարներ: Աւելի շատ յայտնի է շուրջ 200 ֆիլմերու համար գրուած երաժշտութեամբ: Անոր մեծ հռչակ բերած է յատկապէս «Շերպուրկեան անձրեւանոցներ» ֆիլմը: Թողարկած է աւելի քան 100 ձայնասկաւառակ: 3 անգամ արժանացած է «Օսքար», 5 անգամ` «Կրեմի» եւ «Էմմի», 12 անգամ` «Ոսկէ կլոպուս» մրցանակներուն:
2003-ին արժանացած է Ֆրանսայի «Պատուոյ լեգէոն» շքանշանի:
