Ժնեւի մէջ ՄԱԿ կեդրոնատեղիին մէջ ներկայացուած են լիբանանցի հայ նկարիչ եւ քանդակագործ Ժան Պողոսեանի աշխատանքները:
Այս մասին կը տեղեկացնէ՝ Forbes-ը:
«Կանգնեցուր կրակը» (‘Cessez Le Feu’) ցուցահանդէսը մեծ ուշադրութիւն կը գրաւէ ինչպէս պատկերելու բարդութեամբ, այնպէս ալ առհասարակ իր գոյութեամբ, որովհետեւ նկարիչը իր ուրոյն կտաւները կը ստեղծէ յատուկ գործիքի` զօդիչի օգնութեամբ:
Աղբիւրին համաձայն` Պողոսեանին ոգեշնչած են ՄԱԿ-ի 17 նպատակները մեր աշխարհի վերափոխման համար` տնտեսական աճի խթանում, կրթութեան, առողջապահութեան, ընկերային պաշտպանութեան եւ զբաղուածութեան ապահովման շատ մը հարցերու լուծում, ինչպէս նաեւ կլիմայի փոփոխութեան դէմ պայքար եւ շրջակայ միջավայրի պաշտպանութեան հարցեր:
«Անոր աշխատանքները շատ աւելին են, քան պարզապէս նկարներ ըլլալը, չէ՞ որ նկարիչը կը միաւորէ ստեղծագործութիւնը ՄԱԿ-ի մշակութային, ընկերային եւ մարդասիրական առաքելութեան հետ: Ժան Պողոսեան կը ցանկայ, որպէսզի անոր աշխատանքները նպաստեն մեր խղճի եւ արուեստի հետ անհատական փոխգործակցութեան ձեւաւորման»,` ամփոփած է աղբիւրը:
