Շաբաթ՝ 7 Սեպտեմբերին Թորոնթոյի միջազգային շարժանկարի փառատօնի շրջագիծէն ներս կայացած է Կարին Յովհաննիսեանի «Ես մենակ չեմ» վաւերագրական ֆիլմի առաջին ցուցադրութիւնը (փրեմիերան): Այս մասին կը տեղեկանանք Գանատայի մէջ ՀՀ դեսպանութենէն: Ֆիլմը կը ներկայացնէ Հայաստանի մէջ 2018 թուականի ապրիլին տեղի ունեցած թաւշեայ յեղափոխութիւնը իր ողջ ընթացքով:
Միջոցառման ներկայ էին Հայաստանի Հանրապետութեան վարչապետի տիկին Աննա Յակոբեանը, Գանատայի մէջ Հայաստանի Հանրապետութեան դեսպան Անահիտ Յարութիւնեանը, հայազգի երաժիշտ, ֆիլմի համահեղինակ Սերժ Թանքեանը, Գանատայի մէջ հաւատարմագրուած դիւանագէտներ, ինչպէս նաեւ գանատահայ համայնքի ներկայացուցիչներ։
Ֆիլմի աւարտին բեմահարթակին վրայ կայացած է հարց ու պատասխան՝ Աննա Յակոբեանի, Կարին Յովհաննիստանի, Սերժ Թանքեանի եւ ֆիլմի ստեղծագործական անձնակազմի մասնակցութեամբ։
