Նոյեմբեր 17-ին Հայ Բարեգործական Ընդհանուր Միութեան կեդրոնին մէջ տեղի ունեցաւ Մէյրի Սահակեանի հեքիաթներու արևմտահայերէն և արևլահայերէն գունազարդ գիրքերու շնորհանդէսը:
Ձեռնարկին ներկայ էին արեւմտահայերէն գիրքի մեկենասները՝ Պոլսոյ հայ ուսուցչաց հիմնարկի նախագահ Սարգիս Գիւլէկեչը եւ Նազար Պինաթլն:
Տարին Թումանեանական ըլլալով ՝ այդ ծիրէն ներս հնչեց Ամենայն հայոց բանաստեղծ Յովհաննէս Թումանեանի ձևակերպումը հեքիաթներու մասին. «Հեքիաթ ստեղծողը բովանդակ ժողովուրդն է, դարէ- դար, սերունդէ- սերունդ ան կը մշակուի ու կը դառնայ հեքիաթ»:
Ելոյթներով հանդէս եկան գրողներ , բանաստեղծներ՝ Դաւիթ Մշեցին, Ատոմ Յակոբեանը, իսկ դերասան Սամուէլ Թոփալեան կարդաց նոր հեքիաթներէն հատուածներ: Դաշնակահար Գարիկ Սարիբեկեան կատարեց իր ստեղծագործութիւնը իսկ Ելենա-Երևանը իր կիթառով երգեց ու նուագեց։ Հեղինակ՝ Մէյրի Սահակեան բեմ հրաւիրեց հեքիաթի հերոս փոքրիկին՝ Առնոյին, ու զրուցեց անոր հետ որպէս Արքայազն Առնօ:
Շնորհանդէսը հրաշալի առիթ հանդիսացաւ հնչեցնելու արևալհայերէնն ու արևմտահայերէնը կողք կողքի: Ներկաները վայելեցին ոսկեղնիկ հայերէնի ամբողջական շքեղութիւնը:
Անի Զէյթունցեան
Ռատիօ լուր
