Տնտեսական աշխուժութեան ցուցանիշը 2019 Յունուար-Դեկտեմբերին՝ 2018-ի նոյն ժամանակին համեմատ՝ աճած է 7.8 տոկոսով: Այս մասին կը փաստեն ՀՀ ազգային վիճակագրական կոմիտէին հրապարակած տուեալները:
Մասնաւորապէս, 2019 Յունուար-Դեկտեմբերին արդիւնաբերական արտադրանքի ծաւալը աճած է 9 տոկոսով, գիւղատնտեսութեան համախառն արտարդրանքի ծաւալը նուազած է 4.2 տոկոսով, շինարարութեան ծաւալը աճած է 4.6 տոկոսով, իսկ առեւտուրի շրջանառութիւնը՝ 8.9 տոկոսով: Ծառայութիւններու ծաւալը, նոյն ժամանակահատուածին, աւելցած է 15 տոկոսով:
Սպառողական գիներու ցուցանիշը նախորդ տարի աւելցած է 1.4 տոկոսով, իսկ արդիւնաբերական արտադրանքի գիներու ցուցանիշը՝ 0.5 տոկոսով:
Ելեկտրականութեան արտադրութիւնը 2019 Յունուար-Դեկտեմբերին՝ 2018-ի նոյն ժամանակին համեմատ՝ նուազած է 1.9 տոկոսով:
Միջին ամսական անուանական աշխատավարձը Հայաստանի մէջ 2019 Յունուար-Դեկտեմբերին՝ նախորդ տարուան նոյն ժամանակին համեմատ՝ աճած է 5.8 տոկոսով՝ կազմելով 182,750 դրամ: Ի դէպ` պետական օղակին մէջ միջին ամսական աշխատավարձը աւելցած է 8.4 տոկոսով, իսկ ոչ պետականի մէջ՝ 3.8 տոկոսով:
Արտաքին առեւտրաշրջանառութեան ծաւալը աճած է 10.4 տոկոսով: Արտահանումը աճած է 9.4 տոկոսով, իսկ ներմուծումը՝ 10.8 տոկոսով:
Դրամի փոխարժէք ԱՄՆ տոլարի նկատմամբ 2019 Յունուար-Դեկտեմբերին կազմած է 480.45:
