«Զուարթնոց» օդակայանի ֆեյսպուքեան էջին նշուած է, որ Wizz Air օդանաւային ընկերութիւնը թռիչքներ պիտի իրականացնէ նաեւ Երեւան-Լառնաքա-Երեւան ուղղութեամբ:
«Wizz Air հունգարական պիւտճէթային ընկերութեան նոր՝ Երեւան-Լառնաքա (Կիպրոս)-Երեւան երթուղիով թռիչքները պիտի մեկնարկեն 1 Յունիս 2020-էն, որոնք պիտի իրականացուին շաբթական երկու թռիչք յաճախականութեամբ:
Յիշեցնենք նաեւ, որ 2020 թուականի ապրիլէն ընկերութիւնը պիտի մեկնարկէ Երեւան- Վիլնիւս-Երեւան եւ Երեւան-Վիեննա-Երեւան երթուղիներով թռիչքները, որոնք եւս պիտի իրականացուին շաբթական երկու թռիչք յաճախականութեամբ»,-նշուած է հաղորդագրութեան մէջ:
