Երկու Վիրթիւօզներ, Ալին Գութան եւ Նարէ Արղամնեան, երկու հայ հանրաճանաչ երաժիշտներ իրենց տաղանդը նվիրեցին Ատգէն Արմէնեան Հիմնադրամի կողմէ հիմնուած Զարթոնք միջազգային երաժշտական ակադեմիայի ծրագիրին։ Ծրագիր մը, որ անցյալ ամառ 2 շաբաթվա համար, ամբողջ կրթաթոշակով Վանաձոր քաղաքի մէջ հյուրընկալեց 45 տաղանդավոր երաժիշտ երիտասարդներու՝ վարպետության դասեր քաղելու նպատակով։ Զարթոնքի ուսուցիչներն էին Ալին Գութան (երգ), Նարէ Արղամանեան (դաշնակ), Նարէկ Ավագեան (սրինգ) և էմմանուէլ Հովհաննիսեան (ժողովրդական գործիքներու անսամբլ)։ Աշակերտները ընդունված էին մրցույթային կարգով։ Զարթոնքը իր կարևոր տեղը գրավված է Հայաստանի մշակութային ասպարեզին մէջ՝ իր լրջությամբ և տրված դասերու մակարդակով։
Ոչ մէկը կրնայ հասնիլ Ալին Գութանի Կոմիտասեան երգերու: Անոր տաքուկ մեղրանուշ ձայնին լարերը կարծես մեր հայ վարպետին համար ստեղծուած են: «Ծովն ընկան . . ․» ալիքը կը զարնէ ու կը խփէ ծիրանի ճիւղին, ուղղակի բանաստեղծութիւն է, ինչ որ մեզի կը ներկայացնէ Ալինը: Չեմ կրկար մոռնալ Ալինին դերը իբրեւ հրեշտակ Պէթհօվէնի 1803ին գրած – Քրիստոս Ձիթենեանց Լերան վրայ – հրաշալի խմբերգի կտորը, նաեւ իր առաջին օփերաներէն Phantom of the Opera ներկայացման մէջ. Ալին հոն 18 տարեկան էր. հանդիսատեսները բոլորն ալ օտար էին:
Metropolitan Opera Competition մրցանակակիր եւ Կանադայի այժմ ամէնէն փնտրված երգի ուսուցիչներէն Ալին Գութան նաեւ կը դասավանդէ Զարթոնք Ակադեմիայէն ներս (Հայաստան):
Նարէ Արղամանեան, որ տարիներ առաջ Montreal international piano competition առաջնութիւնը շահեցաւ իբրեւ աշխարհի մեծագոյն դաշնակահարը եւ տարիքով ամենափոքրը: Անկէ վերջ նորէն Նարէ Արղամանեան եկաւ Մոնթրէլ I Musici de Montréal, OSM եւ Orchestre symphonique de Québec հրաւէրներով: Կրկին ոտնկայս ծափահարուեցաւ:
Նարէն բարձրագոյն բեմերու վրայ հրաւիրուած է նուագելու իր երաժշտացանկին 30 գոնչերթօներէն. ան կը վերանայ եւ կը վերացնէ. Իր երկար ու նուրբ բազուկները կը մատնեն Նարէին հայ սիրտն ու հոգին եւ զգացումները. ան յաճախ օդին կը բարձրացնէ սիրուն դէմքը եւ ստեղնաշարին անգամ չի նայիր. զարկերը որոշ, արբէճիօները ինքնավստահ, պարզապէս դաշնակի վիրթիւօզ մը:
Արղամանեան այսօր բարերար է այն կէտով որ Ատգէն Արմէնեան Հիմնադրամին կը սպասարկէ նախ իբր Վանաձորի ծնունդ եւ վերջապէս իբր Զարթոնք Ակադեմիայի գեղարվեստական ղեկավար։
Հոն էին Սուրբ Յակոբ Եկեղեցւոյ հոգեւոր Հովիւ՝ Չարեան արքեպիսկոպոս, Վերապատուելի Տապպօ, Մօ Րաֆֆի Արմէնեան’ Ատգենին եղբայրը, Տիկին Յասմիկ Արմէնեան՝ Ատգենին տիկինը եւ Վան Արմէնեան Ատգէն Արմէնեան հիմնադրամի ղեկավար և Զարթոնք Ակադեմիայի գործադիր տնօրեն եւ անշուշտ, խուռներամ երաժշտասէրներ ամէն կուսակցութենէ եւ ամէն կազմակերպութիւններէ: Մօտ երեք ժամ վայելեցինք մեծանուն Ալին Գութանը եւ Նարէ Արղամանեանը, ծաղկեփունջեր բաժնուեցան. եւ ես 91 տարեկան՝ Քրիստին Տրդատեան Գույումճեան կը խոնարհիմ այս երկու երաժիշտներուն եւ իրենց կատարած հսկայական աշխատանքի եւ նվիրումին առջեւ։ Կը փափագիմ , որ Հիմնադրամի սաներ Աիդային (Երեւան), Աննային եւ Անահիտին (Ջավախք), նոյնպէս տուտուկահար Նարէկին (Գեղարքունիքի մարզ) և քանոնահար Տաթեւին (Կոտայքի մարզ) յոյսերը կ’իրականանան:
Ու կը ստորագրեմ:
Քրիստին Տրդատեան Գույումճեան
Լաւալ Բնակարաններ
