Աւստրալիահայ աւելի քան տասը նկարիչի 100 գեղանկար ու լուսանկար աշխատանք` մէկ յարկի տակ. Երեւանի ժամանակից արուեստի թանգարանին մէջ Սեպտեմբեր 25-ին պիտի բացուի «Հայկական կեանքեր, աւստրալիական երազներ» խորագիրով ցուցահանդէս: Այս մասին կը հաղորդէ Panorama.am-ը։
Թանգարանի տնօրէն Նունէ Աւետիսեան յայտնած է, որ աւստրալիահայ նկարիչներու համար հայաստանեան այս ցուցահանդէսը առաջինն է. «Այս ցուցահանդէսը կարեւոր է այն առումով, որ Հայաստանում առաջին անգամ է աւստրալիահայ պրոֆէսիոնալ նկարիչները, լուսանկարիչները հանդէս գալիս ցուցահանդէսով: Նկարիչները հնարաւորութիւն կ’ունենան ցոյց տալ հայ հանդիսատեսին Աւստրալիայի հեռանկարներն այնպէս, ինչպէս ներկայացնում են հայկական ժառանգութիւնը Աւստրալիայում»:
Ն. Աւետիսեանի խօսքով, դեռ մէկ տարի առաջ որոշած են նման ցուցահանդէս կազմակերպել Երեւանի մէջ. «Մէկ տարի առաջ ծանօթացել ենք համայնքի ներկայացուցչի հետ եւ որոշել ենք, եթէ ստացուի, անպայման ցուցահանդէս կազմակերպել: Նա վերադարձել է Աւստրալիա, խօսել նկարիչների հետ, ովքեր մեծ պատրաստակամութիւն են յայտնել ոչ միայն ուղարկել իրենց աշխատանքները, այլ նաեւ գալ Հայաստան ու անձամբ ներկայ լինել»:
Մասնակիցներն են` Լուսի Սարգիսեան, Արա Նալպանտեան, Կիրօ Դաւիթեան, Ռոպերթ Սրճարարեան, Հենրիկ Միքայէլեան, Պետրոս Հովակիմեան, Շաքէ Վարդանեան, Շաքէ Պէրպէրեան, Ճակոբ Մաճարեան, Փոլեթ Արզումանեան, Հելեն Ալաճաճեան, Էտտի Վէսմատեան:
Ցուցահանդէսը պիտի գործէ մինչեւ Հոկտեմբեր 2:
