Անհուն ուրախութեամբ կ’ուզենք մեր լայն շրջանակին ուշադրութեան յանձնել Մոնթրէալի Թէքէեան Մշակութային Միութեան հովանիին տակ կազմակերպուած առ ցանց հաղորդումները որ մեծ յաջողութեամբ կը վարէ սոյն միութեան երկար տարիներու նուիրուած անդամ, ղեկավար եւ զանազան շրջաններու Մոնթրէալի Թ.Մ.Մ. վարչութեան ատենապետ Տիար՝ Արթօ Մանուկեանը:
Բոլորս լաւ գիտենք պսակաձեւ ժահրի հետ կապ ունեցած պայմանները, որ աւելորդ կը սեպենք այստեղ յիշելը, սակայն որպէս հետեւանք այդ բոլոր նոր պայմաններուն, Մոնթրէալի Թ.Մ.Միութիւնը ձեռնածալ չմնաց եւ դրականօրէն արձագանգեց՝ ստեղծելով այս հոյակապ հաղորդումներու շարքը, որ վարպետօրէն կազմակերպեց եւ վարեց Տիար՝ Արթօ Մանուկեան:
Այս հաղորդումները մեծ հետաքրքրութիւն յառաջացուց իր հիւրընկալած անձնաւորութիւններով եւ զանազան հարուստ նիւթերով, ըլլան ատոնք՝ մշակութային, քաղաքական, պատմական, մարզական եւ այժմէական, ուր հետեւողին լարուած պահեց ունկնդրելու եւ յաջորդը սպասելու:
Մինչեւ օրս՝ այս հաղորդումներու թիւը հասած է 20-ի. կը յուսանք որ պարբերաբար կը շարունակուին եւ այս յաջող փորձառութիւնը ալ աւելի կ’ընդլայնի եւ լայն տարածում կը ստանայ համայն աշխարհի մէջ:
Քաջալերող եւ գնահատող անձերու թիւը օրըստօրէ կը բարձրանայ եւ խթան կը հանդիսանայ որ այս յաջող ձեռնարկը շարունակուի:
Ստորեւ կը յիշենք այս հաղորդումներու վերնագիրներու շարքը եւ կայքէջի վրայ եղած անունը, որպէսզի հետաքրքրուողները դիւրաւ կարենան հետեւիլ:
Թուագրումը կը կատարենք ըստ շարքի եւ հաղորդման թուականի, հինէն դէպի նոր՝
1- Tekeyan Cultural Association Webcast with Gerald Papasian
2- Tekeyan’s 2nd interview with Gerald Papasian
3- Tekeyan Podcast with Raffi Elliott from Armenia
4- Antoine Terjanian in a Tekeyan Cultural Association podcast
5- Tekeyan podcast with Gerald Jirayr Papasian
6- Tekeyan podcast with Azad Temisjian of Résidences ARARAT
7- Aram Arkun talking about Tekeyan Cultural Association’s mission and its accomplishments
8- Nora Armani from New York joins a Tekeyan podcast
9- POETRY delight. Gerald Papasian reciting a bouquet of Vahan Tekeyan poems
10- Lebanon Armenians and their hardships. Baydzig Kalaydjian talks about the Armenian community
11- Nora Armani, Founding Artistic Director, talking about Socially Relevant Film Festival
12- The story of a nation, looked through the odyssey of an Armenian-American family
13- Armenian opera on international stage – Anoushe opera in Detroit
14- MADE IN ARMENIA – Hagop Amirian an industrialist from Montreal, producing in Armenia
15- Safeguarding Armenian history – Project S.A.V.E. with Ruth Tomasian and Tsoleen Sarian
17- Future World Champion – Super Middle Weight Canadian champion ERIK (BZO) Bazinyan
18- LATEST NEWS FROM ARMENIA Friday July 17, 2020 with Raffi Elliott
19- Levon Sevunts and his story of journalism and helping Armenian journalists
20- Dr Charlie Laderman a British historian and his book SHARING THE BURDEN about the Armenian Genocide
Աւարտին կ’ուզենք անգամ մը եւս մեր երախտիքի, շնորհակալութեան եւ շնորհաւորութեան խօսքերը ուղղել Մոնթրէալ Թ.Մ.Միութեան եւ յատկապէս Տիար Արթօ Մանուկեանին, որ հսկայական ժամեր տրամադրեց եւ կը տրամադրէ սոյն հաղորդումները ներկայացնելու համար:
«ԱՊԱԳԱՅ» շաբաթաթերթ
