Լեռնային Ղարաբաղի հակամարտութեան կարգաւորման հիմնախնդրով զբաղուող ԵԱՀԿ Մինսկի խումբի համանախագահներ Իկոր Փոփով (Ռուսիա), Ճէյմս Ուորլիք (ԱՄՆ) եւ Փիեր Անտրիւ (Ֆրանսա) Պեռլինի մէջ հանդիպած են Գերմանիոյ արտաքին գործոց նախարար Ֆրանկքվալթեր Շթայնմայըրի հետ: Կողմերը քննարկած են արցախեան հիմնահարցը խաղաղ ճանապարհով կարգաւորելու խնդիրը:
Ինչպէս կը հաղորդէ «Արմէնփրես»-ը, այս մասին Instagram-ի իր էջին մէջ յայտնած է Մինսկի խումբի ԱՄՆ համանախագահ Ճէյմս Ուորլիք: «Ուրախ եմ Պեռլինի մէջ հանդիպիլ Գերմանիոյ արտաքին գործոց նախարար Շթայնմայըրի հետ` քննարկելու Լեռնային Ղարաբաղի հակամարտութեան խաղաղ կարգաւորման հարցը»,- նշած է Ուորլիք:
