Մոնթրէալի Թէքէեան Մշակութային Միութեան նպատակն է եղած ազգային ծառայութիւններու կողքին գնահատել ու վառ պահել հայ մշակոյթի արժէքները: Այսօր՝ միութիւնս կրկին անգամ կու գայ գնահատել ու քաջալերել երաժիշտ Մովսէս Պօղոսեանի Քալիֆորնիայի համալսարանի Հերբ Ալպերթ երաժշտական դպրոցի Հայկական երաժշտական (ուսուցման) ծրագրին համատեղ գործակցութեամբ իր իսկ հիմնած «ՎԷՄ» քառեակի արուեստագէտները:
Ճանաչում վայելող ջութակահար Մովսէս Պօղոսեան աւարտած է Երեւանի Կոմիտասի անուան եւ Մոսկուայի երաժշտանոցը: 1985-ին համամիութենական եւ 1986-ին Մոսկուայի Չայկովսքիի անուան միջազգային մրցանակաբաշխումներուն յաղթական է դուրս եկած ապա ելոյթ ունեցած է Մոսկուայի եւ Պրանտնպուրկի սիմֆոնիկ նուագախումբերուն հետ:
Ամերիկայի Միացեալ Նահանգներ հաստատուելէ ետք «Boston Pops»-ի հետ համերգներով շրջագայած է Գերմանիա, Կիպրոս, Հայաստան եւ այլուր:
2016-2017-ին ան որպէս մենակատար հրաւիրուած է իր մասնակցութիւնը բերելու Լոս Անջելեսի սենակային նուագախումբի համերգաշրջանի բացմանը:
Մովսէս Պօղոսեան քանիցա հանդէս է եկած Լորիս ճգնաւորեանի ու Էդուարդ Թոփչեանի ճիպոտի ներքեւ ղեկավարած համերգաշարգերուն արժանանալով հանդիսատեսի ծափողջոյններուն:
Այժմ հերթը մերն է ծափողջոյններով գնահատել Մովսէս Պօղոսեանի նման ճանաչում վայելող հայ արուեստագէտին ու իր հիմնած քառեակին, որ տեղի պիտի ունենայ Շաբաթ Մայիս 13, 2023 երեկոյեան ժամը 8-ին տեղւոյս Թէքէեանի Յ. եւ Ս. Արզումանեան Սրահէն ներս:
Ս.Ք.
