Խորազգաց ցաւով կը գուժենք ծանօթ եւ սիրուած գանատահայ ազգային՝ Տօքթ. Արթօ Տէմիրճեանի մահուան տխուր Լուրը ՝որ տեղի ունեցաւ Շաբաթ՝ 22 Յունուար 2024-ին:
Հանգուցեալ Տօքթ. Արթօ Տէմիրճեան ամենահին եւ ամենագործօն եւ բարերար անդամներէն մէկն էր գանատահայ գաղութին, որուն բացառիկ նուիրումով ծառայած է երկար տարիներ, իր պատասխանատու առաջնորդող ծառայութիւններով, յատկապէս եկեղեցաշինական եւ ծխական բնագաւառներէն ներս:
Տօքթ. Տէմիրճեան նաեւ վաստակաշատ փրոֆեսորներէն էր, Մոնթրէալի Բժշկական Համալսարանին մէջ:
Մեր խորազգաց ցաւակցութիւնները կը յայտնենք ողբացեալին զաւակներուն՝ Տօքթ. Արի Տէմիրճեանին եւ Տիկին Լէնա Լիպարիտեան (Տէմիրճեանին), անոնց զաւակներուն, հարազատներուն եւ բոլոր ընտանեկան պարագաներուն:
Մոնթրէալի Թէքէեան Մշակութային Միութիւն
«ԱՊԱԳԱՅ» շաբաթաթերթ
Վարչութիւններ եւ անդամակցութիւն
