Իրանի Սուրբ Ստեփանոս եկեղեցին բրիտանական The Telegraph-ը կը համարէ աշխարհի ամենագեղեցիկ տաճարներէն մէկը:
«Այս հայկական եկեղեցին կը գտնուի Իրանի հիւսիս-արեւմուտքը` բնակավայրերէ հեռու, կանաչ դաշտավայրի մը մէջ, որ երբ տեսնես, կը համոզուիս, որ Իրանի մէջ ոչ միայն անապատներ եւ մզկիթներ կան: Եկեղեցւոյ կամարները, որմնախորշերն ու գմբէթը զարդարուած են որմնանկարներով եւ քանդակներով: Ոմանք կը հաւատան, որ եկեղեցւոյ մէջ կը պահուին Սուրբ Գրիգորի մասունքները»,- ըստ News.am-ի՝ նշուած է բրիտանական պարբերականի յօդուածին մէջ:
Հրապարակման մէջ կը յիշատակուին նաեւ Ուգլիչի Սուրբ Տիմիթրի եկեղեցին, Ս. Փեթերզպուրկի Ս. Փրկիչ տաճարը, Փարիզի Սեն Շափելը, Լոնտոնի Սուրբ Փարթուղիմէոսի եկեղեցին, Քեմպրիճի Քինկս-քոլեճ-չեփելը, Եթովպիոյ Սուրբ Գէորգ եկեղեցին, ճարտարապետական այլ հրաշքներ:
