Սուրբ Սարգիսի տօնին` Յունուար 23-ին, «Մենք մեր զինուորի կողքին ենք» ծրագիրի ծիրէն ներս՝ ԱՀԹ-ն առաջին անգամ պիտի պարգեւատրէ զինուորները: Այս մասին, ըստ News.am-ի, այսօր` Յունուար 21-ին, լրագրողներու հետ զրոյցի ժամանակ ըսած է Արարատեան Հայրապետական թեմի Առաջնորդանիստ Սուրբ Սարգիս եկեղեցւոյ հոգեւոր հովիւ Տէր Պետրոս աւագ քահանայ Մալեանը` նշելով, որ Սուրբ Սարգիսը եղած է զօրավար եւ անոր 14 զինուորներն ու իր որդին նահատակուած են հաւատքի համար:
«Բացի պարգեւատրումից լինելու է նաեւ Խաչի երթ` Երեւանի կենտրոնից, ժամը 14:00-ին, լինելու է նաեւ տօնակատարութիւն, Երեւանի Կարապի լճի մօտ կը լինի համերգ, որի ժամանակ երիտասարդները նուէրներ եւ աղի բլիթ կը բաժանեն ներկաներին»,- ըսած է Տէր Պետրոս աւագ քահանայ Մալեան` նշելով, որ Սուրբ Սարգիսի տօնը շարժական տօն է, երիտասարդներու օրհնութեան օր:
Աղի բլիթ ուտողներուն, Տէր Պետրոս աւագ քահանայ Մալեան խորհուրդ տուած է զայն ուտել հաւատքով` Յունուար 22-ի երեկոյեան: Անոր խօսքով, Սուրբ Սարգիսի տօնին աղի բլիթ ուտելը ազգային սովորութիւն է, Հայ Առաքելական եկեղեցին անիկա ոչ կը մերժէ, ոչ ալ կը քաջալերէ:
