Երեքշաբթի՝ 19 Յունուար 2016-ին, Լեռնային Ղարաբաղի Հանրապետութեան նախագահի մամլոյ բանբեր Դաւիթ Բաբայեան «Երկիր»-ի հետ զրոյցի մը ընթացքին տեղեկացուց, որ վերջին մէկ շաբթուան ընթացքին սահմանային իրավիճակը համեմատաբար հանգիստ է:
«Տեսնենք, ոչ թէ հակառակորդը փոխուած է կամ վերատեսութեան ենթարկած է իր մօտեցումները, այլ պարզապէս արժանի հակահարուած կը ստանայ: Այնտեղ ներքին իրավիճակը բաւական բարդ է: Համեմատած նախորդ մէկ-երկու ամսուան իրավիճակին, վերջին շաբթուան ընթացքին սահմանը աւելի հանգիստ եղած է, բայց վստահաբար կրակոցները տակաւին կան», ըսած է Բաբայեան:
