95 տարեկանին կեանքէն հեռացաւ ՀՀ ժողովրդական արտիստ, հայ անուանի դերասան, բեմադրիչ, սենարիստ, Երեւանի պատուաւոր քաղաքացի Երուանդ Մանարեանը:
Երուանդ Մանարեան ծնած է 1924-ին, Իրան: 1946-ին ներգաղթած է Հայաստան, ուսանած է Երեւանի գեղարուեստա-թատերական հիմնարկին մէջ, որուն բեմադրութեան բաժանմունքը աւարտած է 1952-ին:
Որպէս դերասան եւ բեմադրիչ աշխատած է Երեւանի Հ. Պարոնեանի անուան երաժշտական կոմեդիայի թատրոնին եւ Գ. Սունդուկեանի թատրոնին մէջ: 1957-1959 թուականներուն եղած է Յովհաննէս Թումանեանի անուան տիկնիկային թատրոնի գլխաւոր բեմադրիչ, 1988 թուականէն` «Ագուլիս» տիկնիկային թատրոն-աշխատանոցի գեղարուեստական ղեկավարը:
1959-1961 թուականներուն նոյն պաշտօնը վարած է Գորիսի թատրոնին մէջ, 2007 թուականէն` Քիեւի տիկնիկային հայկական թատրոնի հիմնադիր-գեղարուեստական ղեկավար: Այնուհետեւ աշխատած է Երեւանի փաստագրական ֆիլմերու աշխատանոցին եւ «Երեւան» կինոմիաւորման մէջ: Եղած է Երեւանի պետական տիկնիկային թատրոնի գլխաւոր բեմադրիչներէն:
Նկարահանած է վաւերագրական եւ գեղարուեստական շարք մը ֆիլմեր, ինչպէս` «Հայկական մանրանկարչութիւն», «Միքայէլ Նալպանտեան», «Կառամատոյցի կրպակը», «Լոյս», «Դեղերի ծնունդը”, «Նորից եկաւ ամառը» եւ այլն: Խաղացած է նաեւ «Հարսնացուն Հիւսիսից», «Հարսնացուն Ջերմուկից»,«Տժվժիկ», «Մորգանի խնամին» եւ այլ յայտնի ֆիլմերուն մէջ:
Գրած է «Տժվժիկ», «Տէրն ու ծառան», «Սպիտակ ափեր» եւ այլ ֆիլմերու սենարները:
