Երեքշաբթի՝ 11 Յունուար 2022-ին, Երեւանի մէջ մահացած է մեծանուն բանաստեղծ Ռազմիկ Դաւոյեանը։ Դաւոյեան ծնած է 3 Յուլիս 1940 -ին Սպիտակի շրջանի Մեծ Պարնի գիւղը: Տարրական կրթութիւնը ստացած է տեղւոյն դպրոցը։ 1949-ին ընտանիքին հետ տեղափոխուած է Կիւմրի /Լենինական/, ուր աւարտած է միջնակարգ դպրոցը եւ տեղւոյն բժշկական ուսումնարանը: 1964-ին աւարտած է Երեւանի Խ. Աբովեանի անուան Հայկական պետական մանկավարժական պատմալեզուագրական հիմնարկը: Ուսանելուն զուգընթաց, աշխատած է «Գիտութիւն եւ թեքնիքա» ամսագիրի հիմնադիր խմբագրութեան մէջ, զուգահեռ՝ նաեւ «Գրական Թերթի» խմբագրութեան մէջ՝ որպէս սրբագրիչ: 1965-էն վարած է «Գրական Թերթի» չափածոյ եւ արձակի բաժինները: 1970_ին աշխատած է Սփիւռքահայութեան հետ մշակութային կապի կոմիտէի մէջ՝ իբրեւ աւագ խորհրդական: 1975-1990_ին եղած է Հայաստանի պետական մրցանակներու կոմիտէի պատասխանատու քարտուղար: 1989_ին նշանակուած է Հայաստանի Գերագոյն խորհուրդի Աղէտի գօտիի յանձնաժողովի նախագահի առաջին տեղակալ։ 1991-1999_ին եղած է Համազգային հայ Կրթական եւ Մշակութային Միութեան՝ Հայաստանի Վարչութեան նախագահ։ 1994-1996_ին ընտրուած է Հայաստանի Գրողներու Միութեան վարչութեան նախագահ: 1999-2003_ին Հայաստանի Հանրապետութեան նախագահի խորհրդական: 2005-2007_ին «Երեւան» վաւերագրական ֆիլմերու բաժինի տնօրէն: 2007-2018_ին «Հ1» պատկերասփիւռային կայանի տնօրէնի խորհրդական: Առաջին բանաստեղծութիւնը տպագրուած է 1957_ին Լենինականի «Բանուոր» թերթին մէջ, առաջին ժողովածուն՝ 1963-ին: Աւելի քան 40 ժողովածուի եւ գիրքերու հեղինակ՝ հայերէն, ռուսերէն, չեխերէն եւ անգլերէն լեզուներով։ Անոր ստեղծագործութիւնները տպագրուած են իտալական, ֆրանսական, հարաւսլաւական, իրանական, չինական եւ ամերիկեան պարբերականներու մէջ։ Ռազմիկ Դաւոյեանի կեանքին ու գործին անդրադարձած են «Լիթերաթուրնայա Կազեթա», ֆրանսական «Ֆիկարօ» բրիտանական «Թայմզ» եւ «Ուասաֆիրի» պարբերականները։ 1969-ին՝ հինգ տարի արգելափակումէ վերջ, հրատարակուած է «Ռեքվիէմը»։ 1972-ին առաջին անգամ Պէյրութի մէջ հրատարակուած է «Խաչերի Ջարդը» պոեմը, իսկ «Թորոս Ռոսլին» պոեմը առաջին անգամ հրատարակուած է Նիւ Եորքի մէջ1984-ին։ 1990_իբ չեխական հեղինակաւոր «Օտէոն» հրատարակչութիւնը անոր ստեղծագործութիւնները ներառած է համաշխարհային գրականութեան անթոլոկիայի մէջ։ Մրցանակներ եւ պարգեւներ` 1971- ՀԼԿԵՄ ԿԿ մրցանակ 1985- Հայաստանի պետական մրցանակ 2003- ՀՀ նախագահի մրցանակ 2012- «ԱՊՀ-ի Աստղեր» մրցանակ (Մոսկուա) 1998- «Ս. Մեսրոպ Մաշտոց» շքանշան 2010- «Հայրենիքին Մատուցած Ծառայութիւններուն Համար Առաջին Աստիճանի Մետալ» 2009- Երեւանի Պետական Ակրարային Համալսարանի Ոսկէ մետալ 2010- Երեւանի Պետական Համալսարանի Ոսկէ մետալ 2010- Երեւանի Խ. Աբովեանի Անուան Պետական Մանկավարժական Համալսարանի Ոսկէ մետալ 2010- Մայր Աթոռ Ս. Էջմիածնի «Ս. Մեսրոպ եւ Ս. Սահակ» մետալ 2010- Վալերի Պրիւսովի անուան մետալ ՀՐԱՏԱՐԱԿՈՒԱԾ ԳԻՐՔԵՐ «Իմ Աշխարհը» – 1963 «Ստուերների Միջով» – 1967 «Ռէքվիէմ» – 1969 «Մեղրահաց» – 1973 «Կեղեւդ Բաց Արա» – 1975 «Ինչ Էր Եղել» /մանկական/ – 1971 «Պոեմներ» – 1980 «Տաք Սալեր» -1983 «Պղնձէ Վարդ» -1985 «Տխուր Փիղը» /մանկական/ -1970 «Հանճար եւ Յիշողութիւն» /արձակ/ – 1986 «Ընտիր Երկեր» – 1987 «Քարէ Բարձ» – 1989 «Ռէքվիէմ» /ամբողջական/ – 1998 «Կենսական Էներկիայի Ուսմունքը»/տեսական/ – 1998 «Խաչերի Ջարդը» – 1972 /Պէյրութ/ «Մինչեւ Որ Հասնես Նախապապերիդ… » – 1978 /Նիւ Եորք/ «Թորոս Ռոսլին» /արձակ/ – 1983 /Նիւ Եորք/ «Բանաստեղծութիւններ» -1984 /Նիւ Եորք/ «Ոգեղէն Հաց» – 2001 «Ծիտիկը Ցուցահանդէսում» – 2003 «Եթէ Աստուած Կամենայ» /վէպ/ – 2008 «Մղձաւանջներ» – 2010 «Կեցցէ Հայաստան» – 2010 «Բառը» /Համաշխարհային պոեզիայի մատենաշար/ – 2011 «Բանաստեղծութիւններ» /«Հայագիտակ» դասական մատենաշար/- 2011 «Ծովինար» – 2015 «Գերդաստան» /արձակ/ – 2016 «Համատարած Թումանեան» – 2019 «Մենք Ունենք» /բանաստեղծութիւններ/ – 2019 ՌՈՒՍԵՐԵՆ Открой свою кору – 1976 /Երեւան/ Зимняя снежинка-весенный цветок -1978 /Մոսկուա/ Сердцевина дерева -1980 /Մոսկուա/ Эпос юности -1982 /Երեւան/ Золотая сеть -1987 /Մոսկուա/ Беспредельная гора – 1988 /Մոսկուա/ Если господь пожелает /роман/-2009 /Երեւան/ ՉԵԽԵՐԷՆ Пергаментова Hора – 1988 /Պրահա/ ԱՆԳԼԵՐԷՆ Selected Poems – 2002 / Օքսֆօրտ/ Toros Rosslin- 2008 / Երեւան/ Whispers and Breath of the Meadows – 2010 / Մեծ Բրիտանիա/ Requiem – 2016 / Մեծ Բրիտանիա/
