Հայաստանի Հանրապետութեան վարչապետ Նիկոլ Փաշինեան եւ տիկին Աննա Յակոբեան այցելած են ականաւոր երաժշտահան Տիգրան Մանսուրեանին եւ շնորհաւորած անորն ծննդեան 80-րդ տարեդարձը:
«Կը մաղթեմ, որ Ձեզի համար բացուի ստեղծագործական նոր շունչ եւ ժամանակաշրջան, որովհետեւ թերեւս ատիկա ամենակարեւորն է: Ստեղծագործութիւնը կապուած է շատ բաներու՝ մթնոլորտի, միջավայրի հետ, եւ յոյս ունիմ, որ Նոր Հայաստանի մէջ Ձեզի համար պիտի բացուի ստեղծագործական նոր շունչ»,- նշած է Նիկոլ Փաշինեան:
ՀՀ կառավարութեան տեղեկատւութեան եւ հասարակայնութեան հետ կապերու վարչութեան տեղեկութիւններով՝ Տիգրան Մանսուրեան շնորհակալութիւն յայտնած է վարչապետին եւ անոր տիկնոջ իրեն այցելելու համար եւ անոնց պատմած ստեղծագործական գործունէութեան ու յառաջիկայ ծրագիրներուն մասին:
