2016թ. Հոկտեմբերի 29-էն Նոյեմբերի 2-ը Գանատահայոց Թեմի Առաջնորդ Գերաշնորհ Տէր Աբգար եպիսկոպոս Յովակիմեանի գլխաւորութեամբ Թեմի պատուիրակութիւնն այցելեց ԱՄՆ Հայոց Արեւելեան թեմ՝ մասնակցելու շարք մը կարևոր միջոցառումներուն, որոնց կը նախագահէր Ծայրագոյն Պատրիարք և Ամենայն Հայոց Կաթողիկոս Ն.Ս.Օ.Տ.Տ. Գարեգին Բ։ Այցի ընթացքին Սրբազան հօր պատուիրակութեան մասնակից էին Գանատահայոց Թեմի փոխառաջնորդ, Թորոնթոյի Սուրբ Երրորդութեան եկեղեցւոյ հովիւ, Արժանապատիւ Տէր Զարեհ Աւագ քահանայ Զարգարեանը, Թեմական խորհուրդի դիւանի անդամներ՝ Տիկին Աբեթ Ալբայը, Պարոն Օհան Օհանէսսեանը, Պարոն Ժիրայր Տոլարը և Պարոն Անդրանիկ Շիրինեանը, ինչպէս նաև երիտասարդներու ներկայացուցիչ՝ Օրիորդ Արինէ Քեմքեմեանը։
Հիւսիսային Ամերիկայի Հայ Առաքելական եկեղեցիներու Առաջնորդներ՝ Տէր Խաժակ արքեպիսկոպոս Պարսամեանը (Արևելեան ԱՄՆ), Տէր Հովնան արքեպիսկոպոս Տէրտէրեանը, (Արևմտեան ԱՄՆ), և Տէր Աբգար եպիսկոպոս Յովակիմեանը (Գանատա), ինչպէս նաև ՀԲԸՄ-ի նախագահ Պարոն Պերճ Սեդրակեանը հրաւիրել էին Ն.Ս.Օ.Տ.Տ. Գարեգին Բ-ին Նիւ Եորքի մէջ Գերագոյն հոգևոր խորհուրդի հանդիպում գումարելու համար։ Այս հանդիպումը կը նշուի, որպէս Հայաստանէն դուրս Գերագոյն Հոգեւոր Խորհուրդի առաջին ժողովը։
Շաբաթ օրը, Հոկտեմբերի 29-ին, Ամենայն Հայոց Կաթողիկոսի նախագահութեամբ տեղի ունեցաւ ՀԲԸՄ-ի 89-րդ ընդհանուր ժողովը, ինչպէս և ՀԲԸՄ-ի 110-ամեակին նուիրուած տօնակատարութիւն։
Կիրակի, Հոկտեմբեր 30-ին, Նիւ Եորքի Սուրբ Վարդան հայկական եկեղեցւոյ մէջ մատուցուաւ Սուրբ Պատարագ մեծարելով Ն.Ս.Օ.Տ.Տ. Ամենայն Հայոց Կաթողիկոսի գահակալութեան 17-րդ տարեդարձը, յաւարտ Սուրբ Պատարագին տեղի ունեցաւ հանդիսութիւն Հայկ և Ալիս Քավուքճեան սրահին մէջ։
Հոկտեմբերի 31-էն Նոյեմբերի 1-ը, Ամենայն Հայոց Կաթողիկոսի նախագահութեամբ, ու Գերագոյն Հոգեւոր Խորհուրդի անդամներուն, հիւսիսային Ամերիկայի թեմերու թեմական խորհուրդներու դիւաններուն և ՀԲԸՄ-ի կեդրոնական վարչութեան հետ համատեղ պատմական հանդիպում տեղի ունեցաւ Նիւ Եորքի Արևելեան թեմի կեդրոնի մէջ։
Ամենայն Հայոց Կաթողիկոսն իր պատգամը փոխանցեց մասնակիցներուն: Նորին Սրբութիւնը՝ հաւաքի կապակցութեամբ իր գոհունակութիւնը յայտնեց ներկաներուն և իր օրհնութիւնն ու գնահատանքը փոխանցեց Հիւսիսային Ամերիկայի երեք թեմերու առաջնորդներուն՝ Տէր Խաժակ արքեպիսկոպոս Պարսամեանին, Տէր Հովնան արքեպիսկոպոս Տէրտէրեանին, և Տէր Աբգար եպիսկոպոս Յովակիմեանին, ինչպէս նաև ՀԲԸՄ-ի նախագահ Պարոն Պերճ Սեդրակեանին, Գերագոյն Հոգևոր խորհուրդի, Թեմական խորհուրդներուն ու ՀԲԸՄ-ի կեդրոնական վարչութեան անդամներուն։
««Եկեղեցին տանել դէպի ժողովուրդը, հասնել Հիւսիսային Ամերիկայում ապրող հայութեանը» վերնագրուած կարգախօսը յստակ կ՚ուղենշէ այն ճանապարհը, որով պիտի ընթանանք համատեղ այս ժողովին և միասնաբար խորհրդածենք այն խնդիրներու և մարտահրաւէրներու շուրջ, որոնք այսօր ծառացած են Հիւսիսային Ամերիկայի մէջ կայք հաստատած մեր ժողովուրդի զաւակներուն ազգային ու եկեղեցական կեանքի առջեւ: Հայաստանեայց Առաքելական Սուրբ Եկեղեցին, որ դարեր շարունակ եղել է հայի հոգու ծննդավայրը եւ հայի ինքնութեան երաշխաւորն ու պաշտպանը, կոչուած է ծառայել աշխարհասփիւռ մեր ժողովրդին, իրենց ազգային ու հոգևոր կեանքի մէջ միշտ կենդանի պահել Տիրոջ Աւետարանի կենարար խօսքը եւ առաջնորդել անոնց դէպի փրկութիւն: Մեր Եկեղեցու տէրունաւանդ առաքելութիւնը միշտ եղած է եւ կը մնայ նոյնը, սակայն նոյնը չեն ժամանակի եւ մարդկային կեանքի պայմանները», – ըսաւ Ամենայն Հայոց Կաթողիկոսը՝ նշելով, որ 21-րդ դարը նոր մարտահրաւէրներ կը նետէ մարդկութեանը վրայ եւ նոր իրավիճակներ կ՚ստեղծէ աշխարհասփիւռ հայ ժողովուրդի համար:
ՀԲԸՄ նախագահ տիար Պերճ Սեդրակեանը նշեց, որ ՀԲԸՄ-ն իր հիմնադրման առաջին օրէն Հայոց Եկեղեցին նկատել է ազգային կեանքի ամենակարևոր հաստատութիւնը: Տիար Պերճ Սեդրակեանը հաւաստիացրեց, որ ՀԲԸՄ պիտի շարունակէ իր զօրակցութիւնը բերել Հայաստանեայց Առաքելական Ս․ Եկեղեցուն և նրա առաքելութեանը հայ ժողովուրդի կեանքի մէջ։ «Մեզ համար ամէնէն երկրորդական կնկատուի, եթէ մեր Եկեղեցին չզօրանայ, մենք հզօր Հայրենիք եւ ազգ չենք ունենայ, եթէ մեր Եկեղեցին չզօրանայ։ Եթէ մեր ինքնութիւնը պահել ենք դարերու ընթացքին, ապա այդ միմիայն Եկեղեցու ծառայութեան շնորհիւ է եղել։ Պիտի տեսնենք, թէ ինչպէս կարող ենք Եկեղեցու առաքելութիւնը զօրացնել, որովհետեւ Հայոց Եկեղեցու առաքելութեան զօրացումը մեր զօրացումն է», – ընդգծեց ՀԲԸՄ նախագահը։
Շաբաթ օրը, Նոյեմբեր 12-ին, Ն.Ս.Օ.Տ.Տ. Գարեգին Բ-ը Պիտի նախագահէ Արմոնքի Սուրբ Ներսես հայկական ճեմարանի նոր համալիրի պաշտօնական բացման, Սուրբ Յակոբ ճեմարանի մատուռի օծման եւ Գարեգին Ա Աստուածաբանական նոր կեդրոնի ժապաւէնը կտրելու արարողութիւնները:
