Երեքշաբթի՝ 26 Յունիսի 2018-ին, ՀՀ փոխ վարչապետ Տիգրան Ավինեանի գլխաւորած պատուիրակութիւնը աշխատանքային այցով մեկնած է Գանատա (Թորոնթօ), այնուհետև այցը կը շարունակուի դէպի ԱՄՆ (Լոս Անճելըս), յայտարարուած է փոխ վարչապետի գրասենեակի մամուլի հաղորդագրութեան մէջ:
Պատուիրակութեան կազմին մաս կը կազմեն՝ ՀՀ փոխ վարչապետի գրասենեակի ղեկավար Սերժ Վարագ Սիսեռեանը, փոխ վարչապետի օգնական Վիկտորիա Այդինեանը, Տրանսպորտի, կապի և տեղեկատուական տեխնոլոգիաներու նախարարի առաջին տեղակալ Յակոբ Արշակեանը, Սփիւռքի նախարարի տեղակալ Բաբկէն Տէր-Գրիգորեանը, Տնտեսական զարգացման և ներդրումների նախարարի տեղակալ Մանէ Ադամեանը, «Պիզնէս Արմենիա»-ի ներկայացուցիչներ Ալինա Եղիազարեանը և Նարեկ Ալեքսանեանը:
Այցի ընթացքին կը նախատեսուի հանդիպումներ ներդրողներու, գործարար ոլորտի առաջատար կազմակերպութիւններու և հայ համայնքի ներկայացուցիչներու հետ: Անոնց պիտի ներկայացուի Հայաստանի մէջ ստեղծուած նոր հեռանկարներու, կառավարութեան ծրագրային գերակայ ուղղութիւններու, համագործակցութեան հնարաւոր ձևաչափերու լայն շրջանակ, որու որպէս արդիւնք կ’ակնկալուի ներդրումներ ներգրաւել Հայաստանի տնտեսութեան համար գերակայ ուղղութիւններու մէջ:
