Համաձայն Հայաստանի Հանրապետութեան Արտաքին Գործերու նախարար Էդուարդ Նալբանդեանի` 2015 Թուականի Հոկտեմբեր 5-ի հրամանին, Գանատայի քաղաքացի Պերճ Սվազլեան նշանակուած է ՀՀ պատուաւոր հիւպատոս Գանատայի Թորոնթօ քաղաքին մէջ: Պատուաւոր հիւպատոսի իրաւասութեան շրջանը կ՚ընդգրկէ Գանատայի Օնթարիօ նահանգը:
Նոյեմբերի 12-ին դեսպան Արմէն Եգանեան ՀՀ դեսպանատան մէջ նորանշանակ հիւպատոսին յանձնեց Գանատայի արտաքին գործերու, առևտուրի և զարգացման նախարարութենէն ստացուած հիւպատոսական արտօնագիրը (exequatur) և ինքնութեան վկայականը:
Դեսպան Եգանեան շնորհաւորեց պարոն Սվազլեանին նշանակման կապակցութեամբ և յաջողութիւն մաղթեց: Պարոն Սվազլեան իր հերթին վերահաստատեց իր պատրաստակամութիւնը` գործունէութիւն ծաւալելու Հայաստանի և Գանատայի միջև յարաբերութիւններու զարգացման և սերտացման ուղղութեամբ:
Տեղեկանք` Թորոնթոյի մէջ ՀՀ պատուաւոր հիւպատոսի առաջնային գործը պիտի հանդիսանայ հայ-գանատական երկկողմ տնտեսական և կրթամշակութային յարաբերութիւններու զարգացման ուղղուած համապատասխան քայլերու ձեռնարկումը:
