Centre Armenie-ի շքեղազարդ սրահին մէջ, Հինգշաբթի՝ 17 Հոկտեմբեր 2024-ին, Շոմէտիի շրջանի Քէպէքի Ազգային ժողովի պատգամաւոր՝ Սոնա Լախոյեան Օլիվիէն հիւրընկալած էր մօտ 300 հիւրեր իր յառաջիկայ նախընտրական քարոզարշաւին աջակցելու համար: Աշնանային սոյն կալային նպատակը դրամահաւաքն էր:
Ջերմ եւ տօնական մթնոլորտի մէջ տեղի ունեցած այս միջոցառումը, համախմբեց համայնքի անդամները, ինչպէս նաեւ քաղաքական գործիչները, անոնց կարգին էր Frederic Beauchemin (MNA Marguerite-Bourgeois-ի և Քէպէքի Լիպերալ կուսակցութեան ղեկավարութեան թեկնածու), (որուն կ’աջակցին Սոնա Լախոյեան Օլիվիէն) և Virginie Dufour (MNA: Mille-îles-ի)։
Երեկոն սկսաւ ժամը 19:00-ին շարք մը ելոյթներով, որուն յաջորդեց բացառիկ երաժշտական համերգ: Քէպէքի մէջ առաջին անգամ հանդէս եկող Կարնօ Սիմոնեանը (սաքսոֆոն) , Յովսէփ Լախոյեանը ( երգիչ), եւ Ժօժօ Թեփիրճեանը (երգեհոնահար) հմայեցին ներկաները ։ Երեկոն շարունակուեցաւ համեղ կերակուրներու սպասարկութեամբ:
Այս յիշարժան իրադարձութիւնը կ’արտացոլէ Շոմէտի-ի ընտրատարածքի կենսունակութիւնը և հաւաքական ջանքերու ուժեղ խորհրդանիշը, որ կը սահմանէ Լաւալի համայնքը:
