Այս Ընկերակցութեան, ծանօթ` իբրեւ ՔՀԲԸ կամ AMAQ, կ’անդամակցին բժիշկներ, ատամնաբոյժներ, դեղագործներ ու մի քանի այլ առողջապահական դաշտի ծառայող արհեստաւարժներ: ՔՀԲԸ-ը որ հիմնուեցաւ 1976-ին, Գանատայի մէջ գրանցուած է իբր «ոչ շահաբերական» միութիւն: Անոր առաքելութեան դաշտը կ’ընդգրկէ հետեւեալ ազգօգուտ գործունէութիւնները. օգնել հայրենիքին ու Արցախի լուծելու իրենց առողջապահական հարցերը՝ կառուցանելով/ կազմաւորելով դարմանատուններ, առաքելով դեղորայք ու կատարելով խորհրդակցական այցելութիւններ: AMAQ նաեւ իր արդէն աւանդական դարձած բժշկական դասախօսութիւններով կը ձգտի Հայ հանրութեան ծանօթացնել աժմէական առողջապահական հարցերը: Այս դասախօսութիւնները պարբերաբար տեղի կ’ունենան Մոնթրէալի զանազան հայկական սրահներուն մէջ: 2016-ի դասախօսական ծրագրին մասին կ’անդրադառնանք մեր գrութեան աւարտին: Յիշեցնենք որ ՔՀԲԸ իր առկախ ու գործառնական ծախքերը կը հոգայ հաւաքուած անդամավճառներով:
Վերոյիշեալ ճաշկերոյթ-երեկոյթը տեղի ունեցաւ 2015, 13 դեկտեմբերին լիբանանեան La sirène ճաշարանին մէջ: Բարի գալուստի խօսքը ըրաւ ընկերակցութեան գործադիր մարմնին ատենապետը մորդաբոյժ Բժիշկ Արի Տէմիրճեան: Ան ներկայացուց այդ մարմնին 10-ը անդամները: Խրախուսիչ երեւոյթ՝ անոնց 70 %-ը կը բաղկանար 25-35 տարեկաններէ: Տոքթ. Տէմիրճեան ծանօթացուց իր պատրաստած եռլեզու ընկերակցութեան տեղեկագիրը արնչուած կատարուածներուն ու գալիք գործունէութեանց, որ պիտի ներկայացնեմ համառօտ կերպով: 2015-ի հուսք-բանքէն նախ իմացանք թէ առոջապահական դաշտի արհեստաւարժներուն մօտ կատարուած էր վիճագրական հարցախոյզ՝ տեղեկանալու անոնց տարիքին, անդամակցութեան տոկոսին ՔՀԲԸ-ի, ու ընդհանրապէս, իրենց կարծիքին՝ միութեանս աշխատէլակերպին, ի հարկին նորութիւններ ներմուծելու հոն: Իմացանք նաեւ նոր անդամավճառներուն ու անոնց électronique գանցումներուն ու ստացագիրներուն մասին: Նոր անդամներ գտնելու մտօք կազմակերպուած էր օղակաւորման (réseautage) աշխատանք մը։ Մինջ բժիշկը կը շարունակէր իր տեղեկագրականը, 50-ի հասնող ներկաները կը հիւրասիրուէին լիբանանեան աղանդերներով, մսեղէններով ու պտուղով, դիտելով պաստառին վրայի լուսապատկերները (powerpoint):
2016-ին իրագործուելիքներուն մասին Տոքթ. Տէմիրճեան իմացուց հետեւեալները: Գործադիրներէն կազմակերպելու յատուկ Խորհրդատուներու (mentor) մարմին՝ ուղղութիւն տալու համար առողջապահական մարզին պատրաստուող ուսանողներուն: Բնականօրէն Հայրենիքին ուԱրցախին ըլլալիք բարէսիրական օգնութիւնները պիտի շարունակուէին: Ինչպէս նաեւ միութիւնը պատրաստ է քաղաքս նոր հասնող սուրիահայերուն օգնել իրենց բոլոր բժշկական կարիքներուն։
Ինչպէս արտասահմանեան զանազան Հայ գաղութներուն (Ֆրանսայի, ԱՄՆ-ի մի քանի նահանգներուն, Անգլիոյ, Արժանթինի) բժշկական միութիւնները, նոյնպէս ՔՀԲԸ-ը անդամ է Հայ բժշկական միջազգային վարչութեան (AMIC): Այս միութեան 13-րդ գիտաժողով-համագումարը տեղի տիտի ունենայ Պուէնոս- Այրէսի մէջ 2017- ին: Այդ գծով բժիշկ Արի Տէմիրճեան իմացուց թէ համագումարին նախապատրաստական ժողովը պիտի գոյանար Մոնրէալի մէջ 2016 –ի մայիսին ու ՔՀԲԸ պիտի ըլլար կազմակերպիչ հիւրընկալողը:
Հաճելի անակնկալ էր երեկոյթին իբր պատուակալ հիւր ունենալ արուեստագէտ – լուսանպկարիչ, համայնքիս ծանօթ Պրն. Հրայր – Բազէ Խաչէրեանը: Բժիշկը ըրաւ անոր հակիրճ կենսագրականը: Իր կարգին Հրայր մեզ իր գործերուն ծանօթացուց լուսապատկերներով, որոնք խմբուած են տասնեակ մը տրամադրելի ալպիւմներու մէջ : Պրն. Խաչէրեան կը ծանրանայ, հոս պատշաճ կը թուի ըսել… իր վերջին -3.5 քկ կշռող- պատկերազարդ գիրքին վրայ՝ նուիրուած Ցեղասպանութեան100-ամեակին: Գործը արթիւնք է 1997- էն սկսեալ 30 լուսանկարչական արշաւներու ի պատմական Հայաստանի գաւառները: Ի միջի այլոց պատրաստ է Հրայրի 2016 –ի մեծադիր նկարներով օրացոյցը:
Ինչպէս կը տեսնենք Քէպէքի Հայ Բժշկական Ընկերակցութիւնը 2016-ի համար ունի ճոխ ու բարէտենչ իրագործելիներու ցանկ մը: Անոր գործադիր մարմնին երիտասարդ անդամները ու… միւսները գործակցաբար ատենապետին հետ գլուխ պիտի հանեն ծրագրուածները:
Աւարտելէ առաջ հոս յիշեցնեմ դասախօսութիւններու շարքը որ ցարդ նախատըսուած է.
Հայ բժիշկները ցեղասպանութեան ընթացքին՝ Տոքթ. Հարպոյան՝ Ահարոնեան սրահ ապրիլ 14 երեկոյան ժամը 8:00-ին:
Դոկտ. Ատոմ Յ: Պուճիգանեան
ՔՀԲԸ-ի վարչութեան լրագրական կապի պատասխանատու
Յաղորդագրութեան հասցէներ։
Email: amaq_kayane@hotmail.com
Facebook: Association médicale arménienne du Québec – AMAQ
