ՀԱԼԷՊԻ ՀԱՅԱԲՆԱԿ ՇՐՋԱՆՆԵՐՈՒ ՌՄԲԱԿՈԾՈՒՄՆԵՐԷՆ ՎՆԱՍՈՒԵՑԱՆ ՀԱՅԿԱԿԱՆ ՀԱՍՏԱՏՈՒԹԻՒՆՆԵՐ
Հայաստանի լրատու գործակալութիւններ կը տեղեկացնեն թէ 3 Փետրուարի գիշերը ահաբեկչական ուժերու կողմէ արձակուած հրթիռներէն մին պայթած է հայաբնակ Նոր Գիւղ թաղամասին վրայ, վնասներ պատճառելով Ս. Գրիգոր Լուսաւորիչ եկեղեցւոյ եւ Սահակեան վարժարանին: Երկրորդ հրթիռ մըն ալ պայթած է Հայոց Ծերանոցին մօտ: Տեղի ունեցած են վիրաւորեալներ, այրած են ելեկտրականութեան ցանցեր եւ գոյացած է նիւթական մեծ կորուստ:
