Հայաստանի Հանրապետութեան Նախագահ` Սերժ Սարգսեան յատուկ գրութեամբ մը շնորհաւորած է Դամասկահայ դպրոցներն ու վարժարանները:
Կիրակի, 17 Յունուար 2016-ին, յաւարտ Սուրբ Պատարագի, Դամասկոսի Սուրբ Սարգիս եկեղեցւոյ դահլիճէն ներս, ներկայութեամբ Դամասկոսի Հայոց Թեմի Առաջնորդ՝ Գերշ. Տ. Արմաշ Եպս. Նալպանտեանի, ՀՀ Արտակարգ եւ Լիազօր Դեսպան տիար Արշակ Փոլատեանը Դամասկոսի հայկական վարժարաններու տնօրէններուն յանձնեց նախագահական շնորհաւորագիրները: Այս մասին կը հաղորդէ Դամասկոսի Ազգ. Առաջնորդարանի դիւանը:
