Նոյեմբեր 22-ին Հայոց Ցեղասպանութեան 100-րդ տարելիցի ոգեկոչման ձեռնարկներու ծիրէն ներս Մոնաքոյի Սուրբ Նիքոլա Տէ Ֆոնտուիէ եկեղեցւոյ մէջ տեղի ունեցաւ Սուրբ պատարագ Ֆրանսայի թեմի առաջնորդ Վահան եպիսկոպոս Յովհաննիսեանի մատուցմամբ:
Պատարագին ներկայ էին Ֆրանսայի եւ Մոնաքոյի մէջ ՀՀ դեսպան Վիգէն Չիտեչեան, Մոնաքոյի արքեպիսկոպոս Պերնարտ Պարսին, Մոնաքոյի արքայազն Ալպերթ II-ի պետական քարտուղար Ժաք Պուասոն, Մարսէլի մէջ Հայաստանի Հանրապետութեան հիւպատոս Սամուէլ Լալայեան, Ալպ Մարիտիմի, Վարի եւ Մոնաքոյի Հայ Առաքելական եկեղեցւոյ հոգեւոր հայր Գրիգոր աբեղայ Խաչատրեան, Մոնաքոյի հայերու միութեան նախագահ Սերժ Ֆերմանեան, միութեան հիմնադիր տնօրէն Արեւ Մարտիրոսեան եւ հայ համայնքի ներկայացուցչներ:
