Պելճիքայի Լիեժ քաղաքի «Մեսրոպ Մաշտոց» միութիւնը Փետրուար 19-ին կազմակերպած է «Հայոց պատմութիւնը եւ հայերու ծագումը» խորագիրով համաժողով մը: Այս մասին կը յայտնէ «Մեսրոպ Մաշտոց» միութեան նախագահ Լուսինէ Ներսիսեանը։
Համաժողովը վարած է Լիւվենի կաթոլիկ համալսարանի տնօրէն, Արեւելքի պատմութեան դոկտոր-փրոֆէսըր Պեռնար Գուլին:
Ձեռնարկին ներկայ եղած են օտար հիւրեր, հայ երիտասարդ ուսանողներ, որոնք բազմաթիւ հարցեր ուղղած են բանախօսին: Փրոֆէսըր Գուլին լիարժէք պատասխանած է բոլորի հարցերուն` ներկայացնելով փաստեր քարտէզներով ու նկարներով:
«Մեսրոպ Մաշտոց» միութիւնը իր շնորհակալութիւնը յայտնած է Պեռնար Գուլին եւ համաժողովի մասնակիցներուն:
