Արցախի մէջ 2017-ի Մարտին տնտեսական աշխուժութեան ցուցանիշը 2016-ի Մարտի համեմատ կազմած է 107.8 տոկոս, 2017-ի Փետրուարի համեմատ` 106.2 տոկոս, իսկ 2017-ի Յունուար-Մարտին (աճողական) 2016-ի Յունուար-Մարտի համեմատ` 111.5 տոկոս:
Տուեալները հրապարակած է Արցախի Հանրապետութեան ազգային վիճակագրական ծառայութիւնը:
Ըստ աղբիւրին, այս տարուան երեք ամիսներուն Յունուար-Մարտին Արցախի համախառն ներքին արդիւնքը կազմած է 43.3 միլիառ դրամ: ՀՆԱ-ի յաւելաճը կազմած է 108.1 տոկոս, index-defleator ` 104.8 տոկոս: Յունուար-Մարտին մէկ իւրաքանչիւր հոգիի ՀՆԱ-ն, ընթացիկ գիներով, կազմած է 297.1 հազար դրամ, 611.6 տոլար կամ 573.5 Եւրօ:
Արցախի արտաքին առեւտրաշրջանառութեան ծաւալը 2017-ի առաջին երեք ամիսներուն փաստացի գիներով, կազմած է 39.3 միլիառ դրամ կամ 80.8 միլիոն տոլար, որոնց մէջ ապրանքներու արտահանումը` 8.6 միլիառ դրամ (17.7 միլիոն տոլար), իսկ ներմուծումը` 30.7 միլիառ դրամ (63.2 միլիոն տոլար): Առեւտրային հաշուեկշիռը բացասական է 22.1 միլիառ դրամով (45.5 միլիոն տոլարով): 2017-ի առաջին երեք ամիսներուն 2016-ի նոյն ժամանակաշրջանի համեմատութեամբ արտաքին առեւտրաշրջանառութեան ծաւալը աճած է 60.2 տոկոսով, արտահանումը աճած է 70.6 տոկոսով, իսկ ներմուծումը` 57.5 տոկոսով:
