Նոյեմբերի 7-8, տեղի ունեցան Ռումանիայ Հայոց Թեմի Առաջնորդանիստ Ս. Հրեշտակապետաց եկեղեցւոյ 100-ամեակին նուիրուած ձեռնարկներ:
Նոյեմբերի 7-ին Ռումանիայի Արուեստի Ազգային Թանգարանի սրահին մէջ՝ տեղի ունեցաւ համերգ մը, նուիրուած՝ Ս. Հրեշտակապետաց եկեղեցւոյ 100-ամեակին: Վերոնշեալ համերգին ներկայ էին՝ Ռումանիայի Հայոց Թեմի Առաջնորդ՝ Տ. Տաթեւ Եպս. Յակոբեան, Մայր Աթոռ Ս. Էջմիածնի ներկայացուցիչ՝ Տ. Նաթան Արք. Յովհաննիսեան, Գանատայի Հայոց Թեմի Առաջնորդ՝ Տ. Աբգար Եպս. Յովակիմեան, Քոյր Եկեղեցիներու եւ Պետական Մարմիններու բազմաթիւ ներկայացուցիչներ եւ ուխտաւորներ:
Յաջորդ օրը՝ Նոյեմբերի 8-ին Առաջնորդանիստ Ս. Հրեշտակապետաց եկեղեցւոյ մէջ, Ռումանիայի Հայոց Թեմի Առաջնորդ՝ Տ. Տաթեւ Եպս. Յակոբեան մատուցեց Ս. Պատարագ, որուն մասնակցեցան Քոյր Եկեղեցիներու եւ Պետական Մարմիններու բազմաթիւ ներկայացուցիչներ ու բազմաթիւ ուխտաւորներ:
Ս. Պատարագի աւարտին «Էջմիածին ի հօրէ» շարականներու երգեցողութեամբ՝ Գանատայի Հայոց Թեմի Առաջնորդ՝ Տ. Աբգար Եպս. Յովակիմեան Ս. Խորան բարձրացուց Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսին կոնդակը՝ նուիրուած եկեղեցւոյ 100-ամեակին: Վեհափառ Հայրապետի ներկայացուցիչ՝ Մայր Աթոռ Ս. Էջմիածնի արարողակարգի բաժնի տնօրէն՝ Տ. Նաթան Արք. Յովհաննիսեան ընթերցեց կոնդակը և Թեմակալ Առաջնորդին յանձնեց Վեհափառ Հայրապետին նուէրը, արծաթէ պատրաստուած սկիհ մը, նուիրուած՝ Եկեղեցւոյ յիշատակարժան 100-ամեակին: Վերոնշեալ արարողութենէն ետք, Թեմակալ Առաջնորդ՝ Տաթեւ Սրբազանը, իր քարոզին մէջ շնորհակալութիւն յայտնեց Վեհափառ Հայրապետին, Նաթան և Աբգար Սրբազաններուն եւ պաշտօնական հիւրերուն:
