Հայաստանի Հանրապետութեան պետական խորհրդանշաններն են` դրօշակը, զինանշանը եւ ազգային օրհներգը: ՀՀ կառավարութիւնը 2010 թուականին ընդունեց «ՀՀ պետական խորհրդանշանների հանրահռչակման ծրագրի» առաջարկը:
«Թամանեանի կազմած եւ Կոջոյեանի գծած»` այսպէս կը բնութագրուի մեր զինանշանը Սիմոն Վրացեանի յուշերուն մէջ:
«Հայաստանի Հանրապետութեան պետական զինանշանի մասին» օրէնքը ընդունուած է Գերագոյն խորհուրդին կողմէ 1992 Ապրիլ 19-ին: Այդ օրէնքով վերականգնուած է Հայաստանի Առաջին Հանրապետութեան (1918-1920թթ.) զինանշանը, որուն հեղինակներն են ճարտարապետ, Ռուսիոյ գեղարուեստի ակադեմիայի ակադեմիկոս Ալեքսանդր Թամանեանը եւ նկարիչ Յակոբ Կոջոյեանը: Նոր օրէնքը ընդունուեցաւ 2006 Յունիս 15-ին:
«Հայաստանի Հանրապետութեան պետական դրօշի մասին» օրէնքը ընդունուած է Գերագոյն խորհուրդին կողմէ` 1990 Օգոստոս 24-ին: 2005 Նոյեմբեր 27-ին իրականացուած ՀՀ Սահմանադրութեան բարեփոխումներէն յետոյ, 2006 Յունիս 15-ին, ընդունուեցաւ «ՀՀ դրօշի մասին» նոր օրէնքը: Օրէնքին համաձայն, ՀՀ դրօշակը եռագոյն է` կարմիր, կապոյտ եւ նարնջագոյն: Հայաստանի Հանրապետութեան Գերագոյն Խորհուրդի 1991 Յունիս 1-ի որոշումով, իբրեւ երկրի օրհներգ ընդունուած է Հայաստանի Առաջին Հանրապետութեան օրհներգը` բառերը` Միքայէլ Նալբանտեանի «Իտալացի աղջկայ երգը» երգին հիման վրայ:
