Հայոց ցեղասպանութեան մասին պատմող «Հայաստան, իմ սէր» ֆիլմի անդրանիկ ցուցադրութիւնը տեղի պիտի ունենայ 2016-ի Ապրիլին` Լոս Անճելըսի մէջ: Ամերիկա-ռումինացի դերասանուհի, գրող եւ բեմադրիչ Տայանա Էնճըլսըն ( Diana Angelson) ֆիլմը պիտի ներկայացնէ նաեւ կինոթատրոններու մէջ:
«Հայաստան, իմ սէր» ֆիլմը յոյսի, սիրոյ եւ հաւատքի մասին է: Անիկա ոչ թէ ֆիլմ է հայ ընտանիքի մը մասին, այլ պատմութիւն հայ ժողովուրդի մասին, որոնք սպաննուած, թալանուած, ոչնչացուած են սեփական երկրին մէջ, կը գրէ «armradio.am-ն՝ վկայակոչելով SBWIRE- ը:
Ամերիկա-ռումինացի դերասանուհի, գրող եւ բեմադրիչ Տայանա Էնճըլսընը 2016-ի Ապրիլին ֆիլմը պիտի ներկայացնէ նաեւ թատրոններու մէջ:
Էնճըլսըն ֆիլմի բեմադրիչ ընտրուած է Ռուբէն Վարդանեանի «100 կեանքեր» հիմնադրամի կողմէ, որուն համանախագահն է յայտնի դերասան Ճորճ Քլունին: SBWIRE- ը յատուկ կը յիշէ նաեւ Քլունիի կնոջը` Ամալ Քլունիի մասին, որ վերջերս Մարդու իրաւունքներու եւրոպական դատարանին մէջ Հայոց ցեղասպանութեան հարցին վերաբերող քննութեան ներկայացուցած է Հայաստանը:
