Ուրբաթ՝ 25 Հոկտեմբերի 2016-ին, Գանատահայոց Թեմի Առաջնորդ Գերաշնորհ Տ. Աբգար Եպիսկոպոս Հովակիմեանը, պարոն Փիեռ Աքքելեանի և պարոն Լևոն Իսախանեանի ուղեկցութեամբ այցելեցին Մաքկիլ համալսարանի Աստուածաբանական դպրոցը։
Նիւման կեդրոնի մէջ Առաջնորդին դիմաւորեցին՝ դպրոցի տնօրէն փրոֆեսոր Դանիել Սիրը, Մաքկիլ համալսարանի Նիւման կեդրոնի տնօրէն դոկտոր Ռոպերդ Տի Բետը և «The Birks» ընտանիքի հիմնադրամի նախագահ, Աստուածաբանական դպրոցի՝ ամբիոնի խորհրդական յանձնախումբի խորհրդատու, դպրոցի երկար ժամանակէ ի վեր աջակցող Ճօնաթան Պիրքսը։
Հանդիպումի ընթացքին զրուցակիցները քննարկեցին երկկողմ հետաքրքրութիւն առաջացնող զանազան նիւթեր, ինչպէս նաև իրար յայտնեցին Հայ Առաքելական եկեղեցւոյ և Մաքկիլ համալսարանի Աստուածաբանական դպրոցի միջև համագործակցութիւնը զարգացնելու պատրաստակամութիւն։
Հանդիպումի աւարտին փրոֆեսոր Սիրը հրաւիրեց Առաջնորդ Սրբազան Հօրն այցելելու Պիրքս շէնքի մէջ գտնուող Աստուածաբանական դպրոցը։
