Հաղորդագրութիւն՝
ՄՈՆԹՐԷԱԼԻ ԹԷՔԷԵԱՆ ՄՇԱԿՈՒԹԱՅԻՆ ՄԻՈՒԹԵԱՆ
ՍԱՐՕ ՄԱՆՈՒԿԵԱՆ ՖՈՆՏ
2016Ի ԲԱՐԵՐԱՐՈՒԹԻՒՆ
Կը փափաքինք ձեզ տեղեակ պահել «Սարօ Մանուկեան Ֆոնտ»ի այս տարուան յատկացումի մասին: Անմահացնելու համար իր յիշատակը, ընտանիքը հաստատեց իր անունով բարեսիրական ֆոնտ մը, որուն հասոյթը ժամանակ առ ժամանակ կը յատկացուի բարեսիրական ծրագրի մը: Այսու կը տեղեկացնենք թէ այս տարուան յատկացումը կատարուեցաւ Հայաստանի 28 ընտանիքներու, որոնց օրապահիկը ապահովող հայրը կամաւոր կերպով միացաւ հայկական բանակին, պաշտպանելու համար Արցախը՝ նախայարձակ Ատրպէյճանցի բանակին դէմ, որ պատահեցաւ այս տարուայ Ապրիլ 2-4 օրերուն:
Այս 28 հերոսները իրենց բոլոր նախապատուութիւնները մէկդի դրած, բանակին միացան մեր հայրենիքը պաշտպանելու համար: Անոնք կռուեցան խրամատներու մէջ եւ ապահով կերպով վերադարձան տուն: Այս տարուան բարերարութեան նպատակն էր երախտագիտութիւն յայտնել անոնց եւ ցոյց տալ որ Սփիւռքը կը գնահատէ անոնց անձնուիրութիւնը:
Անցեալ տարուան նման, Օթթաուայէն Պրն. Անթուան Թերճանեան կամաւոր կերպով օգնեց մեզի որ իրագործուէր մեր փափաքը: Ան ապահովեց օգնութիւնը տեղական Ոչ-Կառավարական Կազմակերպութեան մը (NGO) եւ Պաշտպանութեան Նախարարութեան գործակցութիւնը ու կարողացաւ գտնել այս զինուորները:
Որպէս յարգանք, կամաւորներուն անունները, ինչպէս նաեւ որոշ անհատներու եւ ընտանիքներու անունները ու յատկացուած գումարները վերապահուած է եւ յարակից լուսանկարին մէջ որոշ զինուորականներու դէմքեր ծածկուած են:
Յատկացումները կատարուեցան Մայիս 8-ին եւ խմբային լուսանկար մը առնուեցաւ այս առիթով:
Սարոն Ազգասէր Գանատահայ երիտասարդ մըն էր: Ան վստահաբար պիտի գնահատէր ժեշտը այս մեծահոգի մարդկանց, որոնք իրենց կեանքը վտանգեցին մեր ՀԱՅՐԵՆԻՔին պաշտպանութեան համար:
*****************
Նախորդ տարիներու յատկացումները.
– Արմէն Քեպէք Վարժարան (Գրադարանի գրքերու գնման համար)
– Մոնթրէալի Երեխաներու Հիւանդանոց (Րոքսանա Քիպզիի մեծադիր նկարին, բժշկական գործիքներու, նուիրահաւաքի քարտերու եւ դրամական նուէրներու համար)
– Հայաստանի մէջ հարիւրաւոր ծառատնկումի համար (Armenia Tree Project)
– Նուիրատուութիւն Հայաստանի խումբ մը երաժիշտներու
– «Երեխաներու Իղձի Ֆոնտ»ին
– Թէքէեան Կեդրոնի լուսաւորուած ցուցանակին
– Արցախի հողերուն դրուած պայթուցիկներու մաքրագործումին ի նպաստ
– Նիւթական օժանդակութիւն զոհուած զինուորներու երեք ընտանիքներու
Այս բարերարութիւնները կարելի կը դառնան շնորհիւ «Սարօ Մանուկեան Ֆոնտ»ին: Ձեր առատաձեռնութիւնը որպէս հունտ կը ծառայէ այս բարեգործութեանց: Մեր անկեղծ շնորհակալութիւնները կը յայտենք:
Արթօ, Անի, Արէն եւ Լոռի Մանուկեան
