Նախագահ Սերժ Սարգսեան հրամանագիր ստորագրած է Հայաստանի Հանրապետութեան Սահմանադրութեան փոփոխութիւններու հանրաքուէն 2015 թուականի Դեկտեմբեր 6-ին նշանակելու մասին:
Ինչպէս կը տեղեկացնէ Հայաստանի Հանրապետութեան նախագահի աշխատակազմի հասարակայնութեան եւ տեղեկատուութեան միջոցներու հետ կապերու վարչութիւնը, հրամանագրին մէջ նշուած է. «Ղեկավարուելով Հայաստանի Հանրապետութեան Սահմանադրութեան 111-րդ յօդուածի 2-րդ եւ 5-րդ մասերով, հիմք ընդունելով «Հանրաքուէի մասին» Հայաստանի Հանրապետութեան օրէնքի 7-րդ յօդուածի 6-րդ մասը եւ Հայաստանի Հանրապետութեան Սահմանադրութեան փոփոխութիւններու նախագիծը հանրաքուէի դնելու վերաբերեալ Հայաստանի Հանրապետութեան նախագահի նախաձեռնութեան Հայաստանի Հանրապետութեան Ազգային ժողովի կողմէ տրուած համաձայնութիւնը` կ’որոշէ.
1. Հայաստանի Հանրապետութեան Սահմանադրութեան փոփոխութիւններու հանրաքուէն նշանակել 2015 թուականի Դեկտեմբեր 6-ին:
2. Սոյն հրամանագիրը ուժի մէջ կը մտնէ պաշտօնական հրապարակման յաջորդ օրուընէ»:
