Սուրիական կառավարական բանակը Մայիս 22-ին վերականգնած է իր ամբողջական վերահսկողութիւնը Տէր Զօրի հայկական մատուռին նկատմամբ` այդ տարածքներէն ետ մղելով «Իսլամական պետութիւն» (ISIS) ահաբեկչական խմբաւորման գրոհայինները:
Ինչպէս կը հաղորդէ «Մետիամաքս»-ը՝ վկայակոչելով կը Almasdarnews-ը, կատաղի մարտերէ ետք սուրիական կառավարական բանակի 137-րդ հրետանային ջոկատը կրցած է ազատագրել Տէր Զօրի արեւմուտքը տեղակայուած եւ ռազմավարական նշանակութիւն ունեցող տարածքները:
Հայկական մատուռի ազատագրման համար մարտերու ընթացքին սուրիական բանակը ոչնչացուցած է քանի մը ահաբեկիչ, որոնց մէջ` վարձկաններ Հիւսիսային Ափրիկէէն:
Յիշեցնենք, որ 2014-ի Սեպտեմբեր 22-ին ISIS-ի անդամները ականապատած եւ պայթեցուցած էին Տէր Զօրի Սրբոց Նահատակաց հայկական եկեղեցին:
