Նախագահ Սերժ Սարգսեան եւ տիկին Ռիտա Սարգսեան Հինգշաբթի՝ 30 Ապրիլ 2015-ին, ներկայ գտնուած են Երեւանի Կաթողիկէ Ս. Աստուածածին եկեղեցւոյ յարակից Ս. Աննա նորակառոյց եկեղեցւոյ օծման արարողութեան` հանդիսապետութեամբ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի: Այս մասին կը յայտնեն ՀՀ նախագահի մամլոյ ծառայութենէն:
Ս. Աննա եկեղեցին եւ Երեւանի կաթողիկոսական նստավայրը կառուցուած են Հրայր եւ Աննա Յովնանեաններու բարերարութեամբ, ճարտարապետ` Վահագն Մովսիսեան:
Եկեղեցւոյ հիմնարկէքի արարողութիւնը կատարուած է 2011-ի Ապրիլ 30-ին, շինարարութիւնը աւարտած 2015-ի Ապրիլին:
