Արցախի Հանրապետութեան Ազգային ժողովը Չորեքշաբթի, Նոյեմբեր 15-ին, մեկնարկեց 2018-ի պետական պիւտճէի քննարկումը:
Ֆինանսներու նախարար Գրիգորի Մարտիրոսեան ընդգծեց, որ կը նախատեսուի ապահովել 8 տոկոս տնտեսական աճ եւ կայուն գիներու մակարդակ: Յաջորդ տարուան պետական պիւտճէն յատուկ շեշտ պիտի դնէ վերաբնակեցման նպատակով բնակարանաշինութեան ծրագիրներու վրայ:
Արցախի Հանրապետութեան 2018-ի համախմբուած պետական պիւտճէն կը կազմէ եկամուտներու գծով՝ 97 միլիառ 104 միլիոն դրամ (շուրջ 185 միլիոն տոլար, ծախսերու գծով՝ 101 միլիառ 404 միլիոն դրամ (շուրջ 205 միլիոն տոլար), բացը՝ 4 միլիառ 299 միլիոն դրամ:
