Հնդկական The Еurasian Тimes-ը գրած է, որ հրթիռահրետանային միջոցներ եւ հրթիռներ ներդրելէն վերջ, Հայաստան այժմ Հնդկաստանէն հակատրոնային համակարգ կը գնէ։
«Հայաստան պայմանագիր կնքած է Հնդկաստանի կողմէն մշակուած Zen հակատրոնային համակարգ գնելու համար», գրած է կայքը՝ վկայակոչելով իր աղբիւրը։
Ըստ պարբերականին, պայմանագիրին արժէքը կազմած է 41,5 միլիոն տոլար, որ ներառած է եւ հակատրոնային համակարգերու մատակարարում, եւ ուսուցում։
Աւարտին նշենք, որ 2022-ի Սեպտեմբերին հնդկական Economic Times-ը գրած էր, որ Հնդկաստանի Պաշտպանութեան Նախարարութիւնը Հայաստանի հետ հրթիռներու, արկերու եւ զինամամթերքի մատակարարման խոշոր պատուէր ստորագրած է։
Հրապարակումին համաձայն, Հայաստան Հնդկաստանէն ստացած է ժամանակակից «Փինաքա» hամազարկային կրակի դիմադրող համակարգեր, հակաթանկային միջոցներ եւ այլ զինամթերք: Ռազմամթերքի մատակարարման գործարքի գինը գնահատուած է մօտ 245 միլիոն տոլարով:
Հնդկաստան Հայաստանին սպառազինութիւն վաճառած է նաեւ 2020-ին։ Այդ ժամանակ հայկական կողմը մօտ 40 մլն. տոլարով ձեռք բերած էր չորս Swathi ռատարներ։
