Ոսկան Երեւանցիի տպագրութեամբ հայերէն առաջին Աստուածաշունչի (1666թ.) 350-ամեակը եւ Յովհաննէս Այւազովսկիի (1817 1900թթ.) ծննդեան 200-ամեակը ընդգրկուած են Հռչակաւոր մարդոց եւ կարեւոր իրադարձութիւններու UNESCO-ի 2016.20.17թթ. օրացոյցին մէջ: Այս մասին կը հաղորդեն ՀՀ արտաքին գործոց նախարարութեան մամուլի, տեղեկատւութեան եւ հասարակայնութեան հետ կապի վարչութենէն։
Որոշումը կայացուած է Փարիզի մէջ` UNESCO-ի կեդրոնակայանին մէջ, Նոյեմբեր 4-18 տեղի ունեցած գլխաւոր խորհրդաժողովի 38-րդ նստաշրջանի ընթացքին: Հայաստանի Հանրապետութեան կողմէն ներկայացուած «Ոսկան Երեւանցիի տպագրութեամբ հայերէն առաջին Աստուածաշունչի (1666թ.) 350-ամեակ»-ը յայտը ստացած է Ֆրանսայի Հանրապետութեան եւ Նիտըրլանտներու Թագաւորութեան աջակցութիւնը, իսկ Ռուսաստանի Դաշնութեան հետ համատեղ ներկայացուած «Յովհաննէս Այւազովսկիի (18171900թթ.) ծննդեան 200ամեակ»ը յայտը` Իտալիոյ Հանրապետութեան աջակցութիւնը: Այսպիսով, 1998 թուականէն առ այսօր Հռչակաւոր մարդոց եւ կարեւոր իրադարձութիւններու UNESCO-ի օրացոյցին մէջ ներառուած է Հայաստանի Հանրապետութեան կողմէն ներկայացուած 21 յոբելենական տարեթիւ:
