ԵԱՏՄ երկիրներու հետ Հայաստանի Հանրապետութեան ապրանքաշրջանառութիւնը 2023 թուականին նախորդ տարուան համեմատ աճած է 39%-ով եւ կազմած է մօտ 7,8 միլիառ տոլար։ ԵԱՏՄ Միջկառավարական Խորհուրդի նիստին ժամանակ ունեցած ելոյթին ընթացքին այս մասին յայտարարած է Հայաստանի վարչապետ Նիկոլ Փաշինեան։
«Արտահանումն աճել է 40,8%-ով, իսկ ներմուծումը` 37,5%-ով։ Այս փուլում ԵԱՏՄ-ի առաջնահերթ խնդիրների շարքում պէտք է դիտարկել արդիւնաբերական համագործակցութեան ամրապնդումը, նոր առեւտրային կապերի ստեղծումը, թուային ծառայութիւնների անդրսահմանային առեւտուրի հաստատումը եւ տուեալների փոխանակումը», յայտնած է Հայաստանի վարչապետը։
Չնայած այն հանգամանքին, որ 2025 թուականին կը նախատեսուի սկսիլ կազի, քարիւղի եւ քարիւղամթերքներու ընդհանուր շուկաներուն գործունէութիւնը, այսօր ակնյայտ է, որ չկայ անդամ երկիրներու յստակ միասնական մօտեցում՝ ուժանիւթի միջոցներու ընդհանուր շուկայի կառուցման եւ զարգացման հեռանկարներու տեսանկիւնէն:
ԵԱՏՄ Միջկառավարական Խորհուրդի նիստին այս մասին ըսած է Հայաստանի վարչապետ Նիկոլ Փաշինեանը։
«Վստահ եմ, որ առանց բացառութեան ԵԱՏՄ անդամ բոլոր պետութիւնների համար ուժանիւթի միջոցների ընդհանուր շուկայի ստեղծումը կու տայ մի շարք առանցքային առաւելութիւններ: Դա կը նպաստի տնտեսութիւնների կայուն զարգացմանը, բնակչութեան բարեկեցութեան բարձրացմանը, ինչպէս նաեւ ուժանիւթային անվտանգութեան ամրապնդմանը: Դա հաշուի առնելով՝ կարծում ենք, որ մեր երկխօսութիւնը պէտք է ուղղուած լինի փոխզիջումային պայմանաւորուածութիւնների որոնմանը», նշած է Նիկոլ Փաշինեան:
Յիշեցնենք՝ ԵԱՏՄ երկիրներու կառավարութիւններու ղեկավարներու մասնակցութեամբ Ալմաթիի մէջ տեղի ունեցած է Եւրասիական Միջկառավարական Խորհուրդի (ԵՄԽ) նիստը, որուն կը նախագահէ ՀՀ վարչապետ Նիկոլ Փաշինեանը:
